Годишен хороскоп за 2018-та - Водолија

Водолиите ќе влезат во 2018-та година со балансиран пристап и периодот ќе биде поволен за создавање добри односи со сите во околината.

Оваа година ќе донесе ситуации кога подобро ќе го разберете вашето емоционално „јас“, но бидете внимателни со чувствата.

Ве очекуваат значајни промени, а ќе бидете многу амбициозни и енергични, но среќата и богатството нема да ве следат во секој период од годината, па бидете поштедливи.

Иако работите на почетокот на годината ќе изгледаат тешко, со тек на време, до крајот тие ќе се стават во ред, само треба да се соочите со препреките „лице во лице“.

Работа и финансии

Во 2018-та година професионалниот живот на Водолиите ќе се движи во одлична насока, па унапредувањата и признанијата ќе пристигнуваат од сите страни, иако напредокот нема да биде лесен.

Ќе имате предизвикувачки ситуации со кои енергично ќе мора да се соочите за да се изборите со нив. Во текот на годината, финансиите ќе бидат задоволувачки, но сепак штедете и воздржете се од неразумно трошење за да не дојде до влошување на состојбата.

При крајот на годината очекувајте добар финансиски прилив кој ќе ве подготви за наредната година.

Љубов

Во текот на годината, Водолиите треба да се потрудат да го подобрат квалитетот на љубовниот живот повеќе од претходната година.

Ова е време кога повеќе ќе му се приближите на партнерот, но со тоа ќе треба да се зголеми и компромисот. Намалете ги недоразбирањата и дозволете топлината да завладее во љубовта.

Зафатените Водолии иако се прилагодливи, ќе мора да научат што значи да се даде сѐ или ништо. Годината ќе донесе желба за создавање семејство, но и промени во емоционалниот живот. Во пролетните месеци може да бидете попосветени на работата, што може да предизвика проблеми во врската, но летото ќе ги искристализира работите и ќе ги подобрите односите со партнерот.

Слободните Водолии ќе доживеат некои промени на љубовен план, па на почетокот на годината можно е да започнете тајна комуникација со личност од минатото. Некои Водолии ќе започнат и тајна врска со познаник преку работата, а во втората половина на годината ќе почнат да носат порационални одлуки за емоционалниот живот, па кон крајот на годината можно е официјализирање на врските.  

Здравје

Водолиите во 2018-та ќе бидат полни со енергија која ќе трае во текот на цела година и ќе ја пренесуваат на сите околу нив. Но, на правилната исхрана и вежбањето треба редовно да се внимава, доколку сакате да избегнете неволји кои би се појавиле кон крајот на годината.

Држете се настрана од неактивен начин на живот бидејќи оваа година тоа може да ви донесе последици по општото здравје.

Спорт, авантуристички патувања вежби за тело и ум се активности кои треба да ви ја исполнуваат годината. Ослободете се од стресот и напнатоста во наредниот период.