Најпосакуваните дизајнерски радијатори во Европа се од Македонија


Најпосакуваните дизајнерски радијатори во Европа се од Македонија

Македонскиот познат бренд Завар Дизајн што се занимава со дизајнирани радијатори претпознатливи во Европа и светот ја продолжува својата традиција на учество на Skopje Design Week 2016, настан што започна вчера, а ќе трае до 27ми ноември во дизајн центарот Јавна Соба.

najposakuvanite-dizajnerski-radijatori-vo-evropa-se-od-makedonija-5.jpg

За нивната претпознатливост говори и соработката со парискиот дизајнер Марјан Денков и нивниот неодамнешен заеднички проект преку кој беше уреден луксузен апартман во Париз и опремен со специјално дизајнирани радијатори од Завар Дизајн.

najposakuvanite-dizajnerski-radijatori-vo-evropa-se-od-makedonija-1.jpg

„Во март оваа година премиерно беше промовирана нашата најнова колекција “Art line” на саемот МЦЕ Милано, па затоа истата ќе ја презентираме и на овогодишниот Skopje Design Week. Колекцијата е производ на умешно екпериментирање со нови материјали, нивно комбинирање, како и користење на различни традиционални и современи техники за површинска обработка. Новата колекција е доволна причина да ги поканиме сите оние кои се интересираат во иновации и уникатни производи, да не посетат во Јавна Соба за време на Skopje Design Week“, изјави Марта Наумовска - Грнарова, генерален менаџер на Завар Компани и управител на Завар Дизајн.

najposakuvanite-dizajnerski-radijatori-vo-evropa-se-od-makedonija-4.jpg

За да се задржи уникатноста, секој радијатор од “Art line” колекција е различен и преставен како посебно парче уметност кое е рачно изработено, со висок квалитет и со различна артистичка интерпретација на фигурите добиени преку пресекувања на бескрајната линија од бакарна цевка.

najposakuvanite-dizajnerski-radijatori-vo-evropa-se-od-makedonija-2.jpg

Ова ќе биде шеста година за Skopje Design Week, а идејата на настанот останува иста, на едно место да се донесат и обединат највпечатливите дизајнери и иноватори од светот со шанса и можност тие да ги престават своите иновации, произовди и решенија, како и истовремено да искомуницираат со широката публика, регионално корпоративниот сектор и образовните институции.

najposakuvanite-dizajnerski-radijatori-vo-evropa-se-od-makedonija-3.jpg

Би можело да ве интересира:

15 секојдневни предмети кои биле дизајнирани со друга намена Многу од предметите кои секојдневно ги употребуваме биле пронајдени за сосема по...
Како да ja уредите собата за вашето дете ако не го знаете полот? Планирате да уредувате соба за вашето дете кое го очекувате, но сѐ уште не го зн...
Хотелска соба во која се чувствувате „како дома“ Што e тоа што најчесто го забележувате кога ќе влезете во хотелска соба? Просто...