Вака се играше фудбал кога ние бевме деца...
Без оглед на тоа дали сте машко или женско, сигурни сме дека порано имавте едно игралиште или ширинка преку улица на која се собиравте со омилените топки и шутиравте додека не ве стемни.
Сепак, и тогаш важеле неколку непишани правила, кои ако подобро ги размислите се секогаш точни и урнебесно смешни.
Ова се 10-те детски заповеди за фудбалот:
1. Најдебелиот секогаш брани.
2. Детето кое ја носи топката за играње решава кој ќе игра, а кој не.
3. Пенал се доделува само ако фаулираниот играч пцуе.
4. Натпреварот завршува кога сите играчи ќе се изморат.
5. Колкав и да е резултатот, победува тимот кој ќе го даде последниот гол.
6. Нема судии.
7. Ако нема топка, доволно е и пластичното шише од кисела вода.
8. Ако те изберат последен во тимот, за тебе нема надеж.
9. Најстресно е кога топката ќе се заглави под автомобил или ќе „одлета“ во дворот на лошиот сосед.
10. Кога сопственикот на топката ќе се налути - играта завршува.