Заводниците од латиноамериканските теленовели - како изгледаат денес Ранду, Луи Давид и останатите?

20 часот навечер, време е за шпанска серија! Се лепиме пред телевизорите и ја голтаме содржината од тв екраните. Започна со лудилото наречено „Касандра“, а заврши... па не сме сигурни со кого заврши, бидејќи шпанските теленовели не се повеќе во мода, но актерите од истите ни останаа во пријатни сеќавања.

„Дивиот ангел“, „Росалинда“, „Есмералда“, „Маќеа“ и уште многу наслови ни ѕвонат низ спомените, а еве кои беа најголемите фраери во шпанските тв серии и како изгледаат денес:

Освалдо Риос

Луи Давид или Игнасио, кој ти е омилен? Па истиот глумец е, каква врска има тоа? Ама нели Касандра заслужува да биде со Луи Давид? Недоумици, солзи, многу пресврти и купување весници на полноќ, за да ја прочитаме содржината од наредната епизода.

Хенри Сото

А што би била серијата „Касандра“ без кралот на Ромите, Ранду? Кој не се обидел да фрла ножеви како него не растел во времето на златните ’90-ти. Или не ја гледал серијата, што е просто невозможно.

Фернандо Колунга

Овој глумец веројатни се појави во најголем број шпански серии. Или пак имавме среќа најмногу да ги прикажуваат неговите.

Сепак, кој може да ја заборави маестралната „Злобница“ кога глумеше покрај Габриела Спаниќ?

Факундо Арана

Наспроти сите добри средени типчиња со кратки спастрени фризури, Иво ди Карло во „Дивиот Ангел“ се појави со долга коса, а жените збудалеа.

Фернандо Кариљо

Типична шпанска приказна, млада сиромашна цвеќарка се вљубува во богатиот тип. И така Росалинда си го најде својот принц.

Вилијам Леви

Можеби најпрославениот актер од групава, кој мора да признаеме изгледа одлично и денес. Кога Џенифер Лопез ќе те побара да глумиш во нејзин спот, мора да правиш нешто како што треба.

Цезар Евора

Цезар е еден од најталентираните латиноамерикански актери со богата кариера зад себе, а го видовме во голем број улоги, од миленик до лош негативен лик.

Едуардо Сантамарина

Алехандро на фаталната Руби. Несудената љубов, само затоа што немаше доволно пари за да ја освои девојката. Подоцна се збогати, но веќе беше доцна. Руби се омажи за...

Себастијан Рули

... Хектор во истоимената серија. Сите нè освои со изгледот, добрината и по малку наивниот карактер. Двајца мажи фатени во мрежата на Руби.

Едноставно, не се прават повеќе вакви серии, нели?

(О)Милена | Црнобело