Ова е криминален судски трилер со многу пресврти во приказната што ќе ве натера да погодувате кој ќе биде исходот.
Мики е просечен безскрупулозен адвокат што работи на одбрана на криминалци. Тој се користи со секакви трикови за да ги ослободи своите клиенти, сè додека си плаќаат редовно, и не чуствува грижа на совест дека пушта криминалци на слобода. Тој работи од својата кола Lincoln што му служи како канцеларија (од тука и името на филмот).
Мики ќе биде повикан од еден млад богаташ, кој е обвинет за силување и обид за убиство на проститутка, и неговата одбрана ќе му донесе многу пари. Но, ситуацијата се расплеткува во друга насока, и Мики ќе ги користи сите свои финти за да излезе од дупката во која сам се закопа.
Пресвртите и брзината со која се развива приказната го издвојува овој филм од сличните вакви правнички трилери. Плус го имаме Метју Меконахи, после подолго време, целосно облечен и со сиот свој актерски шарм. Релаксирачки филм за тепање на време.
Режија: Brad Furman Глума: Matthew McConaughey (Мики), Marisa Tomei (бифшата сопруга на Мики), Ryan Phillippe (младиот богаташ)
Рут, Кати и Томи живеат во интернат за деца, тотално несвесни за животот и светот надвор од интернатот.
Нивниот живот изгледа сосем нормален. Но, како растат дознаваат страшни работи за нивната иднина. Сите соништа, и фантазии, сè што планирале да остварат во животот нема да се случи.
Сè што останува е да се искористи ова малку време што им е дадено, да се ужива во љубовта и пријателството, да се помират со судбината.
Филмот е депресивен, и ќе ве прогонува со денови откако ќе го изгледате. Но, исто така ќе ве натера да размислувате за вашите приоритети во животот, дали ако знаате кога рокот ви истекува ќе живеевте поинаку?
На самиот почеток ни е кажано дека е научна фантастика, но приказната е толку реално прикажана што ќе заборавите дека гледате научна фантастика.
Преку музиката, сценографијата, и тишината се чувствува безизлезноста во која се наоѓаат тројцата другари. Маестрално склопен филм, и го препорачувам на секого.
Режија: Mark Romanek Глума: Keira Knightley (Рут), Carey Mulligan (Кати), Andrew Garfield (Томи)
Одлична романтична комедија, погодена за сите возрасти. Џон е млад, традиционално воспитан и британец, а Ларита е постара, модерна и американка.
По кратка луда романса, се венчаваат и ги гледаме како се враќаат во фамилијарната куќа на Џон. Новата невеста не е примена со воодушевување од здрвените британци, таа вози тркачки коли, се облекува ултра модерно и зборува многу повеќе од што треба.
Свекрвата манипулира за да ги раздвои, свекорот е незаинтересеран, бидејки војната му го уништила духот, Џон сака да ги задоволи интересите на двете жени што подеднакво ги сака, а Ларита сака што побрзо да си одат од таа куќа.
Но, бракот почнува да се распаѓа. Дали љубовта навистина може да премине преку сè?
Сето ова исполнето со брз и паметен хумор, одлична актерска екипа и прекрасно сценарио. Ќе ве насмее и ќе ве натажи. Нешто како "Meet the parents" во аристократска Англија во 20тите години од минатиот век.
Режија: Stephan Elliott Глума: Jessica Biel (Ларита), Ben Barnes (Џон), Kristin Scott Thomas (свекрвата), Colin Firth (свекорот)
Филмски викенд: Британски Комедии... Пролетното време сите не расположи, па ние решивме да ви спремиме нешто подеднакво весело и хумористично. Не верувам дека некој од вас би...
...
3 Романтични филмови за викенд уживање... Некој од нашите читатели побара непредвидливи романтични филмови, а ние ги слушаме желбите на нашите читатели. За таа пригода ви приготвивме...
...
Нови хит ТВ серии... Ја нема секој таа среќа да живее во земја каде телевизиите откупуваат турски и индиски серии на големо. Некаде програмата редовно се освежува и.....
Ja imam citano knigata za Never let me go i navistina i knigata e depresivna na momenti duri i mornicava no sepak e kvalitetna i so bogata sodrzina. Definiitvno tera da razmisluvas.
+0
... напишано од Luda,
03 February 2012
Ben Barnes e neverojatno seksi!!
+0
... напишано од ..,
03 February 2012
The Lincoln Lawyer - odlicen film.
+2
... напишано од Dajana!,
03 February 2012
Never let me go!Definitivno treba da se pogleda!
+2
... напишано од Tiia,
03 February 2012
Toj posledniot nekako najintteresen! Jas bi go preporacala i A walk to remember! Baziran e na kniga od Nikola Sparks! Eve trailer http://www.youtube.com/watch?v=R3b19svqbls
Неколку филмови годишно знаат да изненадат со оргинална идеја, но најчесто филмовите што ме воодушевуваат се адаптации од книги. И одма после...
Прикажи/Сокриј коментари
