5 интересни употреби на кората од портокал

Повеќето луѓе ја фрлаат кората од портокалот, но ќе се уверите дека тоа е голема грешка, откако ќе дознаете што сè може да направите со неа откако ќе го изедете портокалот.

1. Рерна

Откако ќе ја исчистите рерната во неа може да остане непријатен мирис. Ослободете се од тоа така што ќе ставите кора од портокал и ќе ја вклучите рерната на 180 степени. Оставете ја половина час. Не само што рерната ќе мириса свежо, туку тоа ќе се чувствува и во целата кујна.

2. Чевли

Ако ве мачи непријатниот мирис на чевлите ставете во нив кора од портокал и оставете ја да постои. Кога ќе се впие влагата, ќе остави свеж и пријатен мирис.

3. Фрижидер

Еден од најдобрите начини за да се ослободите од непријатниот мирис од фрижидерот е кора од портокал. Посолете ја кората и ставете ја во фрижидерот каде што е вентилацијата. Ако се намокри, заменете ја со друга.

4. Освежувач за простор

Особено зимно време, кога имате вклучено парно, печка или шпорет на дрва, откако ќе го излупите портокалот, не ја фрлајте кората, туку наредете ја на грејната површина каде ќе почне да се суши, а при тоа и ќе ослободува сладок и пријатен мирис низ целиот простор. Не ви се потребни хемиски освежувачи, кога можете да искористите некој природен како портокалот.

5. Направете свеќа

Додека е портокалот цел , кората извадете ја со нож точно по средината. Потоа едната половина на кората одвојте ја од плодот како една целина, внимавајќи белата кожичка да остане на неа за да послужи како фитил. Во кората додајте маслиново масло.

Погледнете го видеото кое може попрактично да ви ја покаже изработката.