11 правила за среќа по кои вреди да се живее
Сè уште сте во потрага по дефиницијата за успешен живот? Помирете се дека таа е покомплицирана отколку што мислевте и притоа нема никаква поврзаност со материјалното.
Живејте исполнет и успешен живот, така што...
1. Секогаш ќе знаете кои сте, кои се вашите вредности и за што се борите во животот.
2. Секогаш ќе имате мала група на луѓе, па можеби и само една личност со која ќе можете да бидете свои. Обично, таа ќе биде личноста заради која заспивате и се будите со насмевка.
3. Секогаш ќе имате мала група на луѓе кои не ги гледате често, но кога сте со нив вашите соништа стануваат реалност.
4. Ќе сфатите дека секој момент е значаен и утредента никогаш не е загарантирана.
5. Секогаш ќе бидете отворени за сочувство и помош. И никогаш, ама баш никогаш, нема да очекувате ништо за возврат.
6. Ќе научите да сакате. Силно, искрено, без страв.
7. Некогаш ќе ја пронајдете страста која ќе ве води низ животот. Порано или подоцна, токму таа ќе ви го направи животот исполнет.
8. Секогаш ќе ги складирате сеќавањата. Некои ќе ве натераат да се насмевнете, некои ќе ви предизвикаат солзи, но нема ништо поубаво од моментите полни емоции.
9. Ќе имате храброст да создадете сопствена мапа во животот. Со свои кривини кои ќе ви го поткренат адреналинот, но и свои камчиња кои ќе ви го отежнат патот.
10. Ќе научите кога е вистинското време да замолчите, а кога гласно да проговорите.
11. Ќе сфатите кога е вистинското време да кажете „збогум!“