Како ви звучи пикник и скара на вода?

Си седите на клупа со пријателите во паркот, опуштено си разговарате и само помислувате: Ех, што добро би ни дошла една скара сега! А, замислете уште и покрај некое езеро, море? Не, уште подобро би било наместо на трева скарата да може да ја правиме на вода?

Токму така му дошла и идејата на Себастијан Шмит (37) кој бил дизајнер и студент на архитектура, па решил да дизајнира нешто што ќе му го овозможи идеална забава.

Го креирал кружниот чамец BBQ-Donut, кој може да плови на вода, со резервоар од  12 литри издржува и до 6 часа пловење, а со оглед на пространоста, во него може да собере и до 10 лица.

На средина од ваквиот чамец се наоѓа место за скара, кое потоа може да се претвори и во длабок сад со мраз каде ќе ви се лади пијалакот. Го има во 2 големини, со можност за чадор и лед светилки.

Сето тоа ќе ве чини околу 22.000 долари, што е многу повеќе од вообичаената скара која би ја направиле на некоја ливада за време на викенд, но и задоволството и уживањето е многу поголемо  и незаменливо.