Духовита писмена жалба до една авиокомпанија

Ова писмо оригинално е објавено во април 2013 година, упатено е на карипската авиокомпанија Liat. Но, откако е објавено од страна на Ричард Бренсон, станало особено популарно.

Пред годишните одмори и патувања, прочитајте како маестрално и духовито, а сепак вистинито може да напишете жалба доколку имате некои недоразбирања со агенцијата преку која летувате.

„Драг Liat,

Би сакал да ви кажам дека е многу внимателно од ваша страна, тоа што на патниците им овозможувате детално разгледување на Карибите.

Повеќето други авиокомпании со кои сум летал единствено сакаат да ме однесат од точката А до точката Б, и тоа прилично брзо. Бев заинтригиран од тоа што вие ни дозволивте да застанеме не на еден, туку дури на шест величествени аеродроми. Па, кој сè уште сака да лета само со еден авион? Ние имавме прилика да го менуваме на секое слетување.

Прилично уживав во испробувањето на безбедносните скенери на секој од овие аеродроми. Навистина мислам дека е досега нечуено мислењето за тоа дека сите скенери се исти. Со оглед на тоа што имав прилика да ме допираат и бројни островјани, веќе можев да ја почувствувам топлата прегратка на Карибите.

Исто така, ми се допаѓа тоа што сето ова траеше за време на моите денови за на островите, бидејќи навистина сакам кога имам време да ја почувствувам атмосферата на аеродромските чекални.

Што се однесува до крајното пристигнување, па кој би сакал да се вози со траект, после сите тие летови. Баш ми беше мило што траектот одамна заминал, уште пред да пристигнеме и тоа што сите барови и ресторани беа затворени.

Затоа, ви благодарам, вие сте вистинска авиокомпанија за на Карибите.

п.с. Слободно задржете ми ја патничката торба, ионака никогаш не ми се допаѓала“.