Творецот на копчето „Like“ објасни зошто не постои „Dislike“

Илјадници корисници на Facebook со месеци потпишуваа петиција за воведување на „Dislike“ опција, додека милиони чувствуваа голема потреба за него, но Facebook никако да ја воведе.

Според творецот на копчето „Like,“ непостоењето на спротивната функција го објаснува како „несреќна последица“ до која има големи шанси да дојде кога на корисниците ќе им се даде моќ да искажат колку од работите не им се допаѓаат.

Брет Тејлор, поранешниот директор на технолошкиот оддел во Facebook неколку пати до сега објасни:

„Причината заради која направивме Like беше затоа што многу од коментарите гласеа wow или cool, па така копчето Like им овозможи да си го искажат мислењето со еден клик.“

Меѓутоа, како што објаснува, спротивната опција никогаш не би функционирала, туку само би создала негативни вибрации.

„Имам чувство дека кога би постоело копчето Dislike ќе се постигне целосно негативен социјален аспект. Ако сакате да искажете дека нешто не ви се допаѓа, треба да напишете коментар, затоа што постои можност да кажете соодветно образложение,“ заклучува Тејлор.