Трикови за надминување на тешкотиите и нервозите
За да се опуштите и да го тргнете товарот кој ви стои на раменици, пробајте ги овие трикови или вежби, кои со сигурност ќе ви станат секојдневна рутина.
Преку целата недела сме изложени на стрес, а штом дојде викендот навистина не можеме секогаш убаво да се одмориме, релаксираме и да ги разбистриме мислите. Но, затоа овие вежби ќе ви помогнат да ги надминете сите тешкотии и да се ослободите од стресот:
1. Легнете на грб, ставете ги рацете на стомак и затворете ги очите. Замислете дека рацете ви се тешки и дека имате балон во стомакот. Вдишете како да се обидувате да го надувате балонот, а потоа со едно издишување издувајте го балонот. Потоа стиснете ги рацете во тупаница и згрчете се во полжба на фетус. Вдишете и полека отворајте ги тупаниците, раширете ги рацете и нозете.
2. Ако во текот на ноќта ви се случува да се будите со чувството дека немате здив и сте згрчени, тоа значи дека вашата потсвест се бори со нешто. Ако патите од вакви тешкотии, легнете на грб и раширете ги рацете и дишете.
3. Седнете на мирно место и дишете нормално. Кога ќе вдишете мислете на воздухот кој ви минува од носот, низ грлото, до стомакот...Во мислите обојте го здивот во сина боја и ширете го низ телото, бидејќи тоа е бојата која смирува. Не го форсирајте дишењето. Вдишувајте низ нос, а издишувајте низ уста.