5 реченици што сингл девојките не сакаат да ги слушнат


5 реченици што сингл девојките не сакаат да ги слушнат

Кога некоја од нашите пријателки е сингл, често знаеме да го потенцираме нејзиниот љубовен статус. Но, со партнер или без, статусот на љубовен план не е толку значаен, па треба да внимавате што кажувате пред сингл девојките.

5-rechenici-shto-singl-devojkite-ne-sakaat-da-gi-slushnat-01.jpg

Ова се неколку реченици кои тие не сакаат да ги слушнат:

„Уф, жал ми е“.

Сингл девојките мразат да се чувствуваат како некој да ги жали или да мисли дека се инфериорни само ако немаат партнер во моментот. Немањето партнер не e толку страшно и може да се смени во секој миг. Пред да почнете да ја тешите, разберете ја.

„Како може уште да си сама?“

Ова е можеби најомразеното прашање што ниту една сингл девојка не го сака. Ако сме изненадени од тоа како една убава и паметна девојка нема момче, тоа може да се сфати како навредливо.

Ако девојката е сама не значи дека нешто не е во ред, исто како што ако е во врска, не значи дека е повредна.

„А, да те запознаам со еден другар/колега/братучед?“

На сингл девојките секогаш се гледа како да се сингл не по сопствен избор. Но, соло животот си има многу предности и некои девојки сами избираат да немаат партнер определено време. Не значи дека треба да имате мисија да ги споите со некој.

Ако сакаат нешто такво, сами ќе ви кажат.

5-rechenici-shto-singl-devojkite-ne-sakaat-da-gi-slushnat-02.jpg

„Сигурно имаш многу слободно време“.

Оваа изјава може да се сфати како „твојот живот е празен и здодевен“, па затоа избегнувајте ја. Сингл девојките имаат исто толку обврски како девојките во врска и не треба да се констатира дека имаат повеќе време.

„Во брак е преубаво“.

Бракот често се идеализира, но во секој брак постојат подеми и падови. Вистинските пријателки ќе им признаат на пријателките без партнер дека не е сè толку розово во брачниот живот.

„Е, затоа си сама!“

Освен ако не сте многу блиски, ова никако не смеете да ѝ го кажете на пријателката што е соло. Никогаш не барајте причина зошто е сама, ниту пак не се трудете да ѝ „помогнете“ со конструктивни критики како да биде подобра и попожелна.

Едноставно, почитувајте ја и разберете го нејзиниот избор.

М. В. | Црнобело

Би можело да ве интересира:

3 реченици кои ќе ви помогнат полесно да ги пребродите кризите Кога се соочувате со криза, без разлика дали станува збор за преболување на раск...
За сите сингл девојки: 5 идеи за совршен соло состанок Девојки, нема потреба да очајувате ако сте сингл. Дотерајте се во омилената обле...
Карактерот влијае на тоа како ја држите чашата за вино: Кој е вашиот н... Науката вели дека начинот на кој ја држите чашата со вино, индиректно го открива...