10 одговори на прашањата кои отсекогаш ве интересирале, но ве мрзи да ги гуглате

Обично децата се оние кои имаат милион прашања за сè и сешто, секој ден. Но, има работи што и возрасните не ги знаат, а би сакале да ги дознаат, само што немаат време да се задлабочуваат во мислење и барање на одговорот.

 

Во продолжение дознајте ги одговорите на прашањата што ве мачат, а ве мрзи да ги барате на Google:

Зошто сопствениот глас ни звучи различно кога зборуваме и кога го слушаме на снимка?

Кога си го слушаме гласот на снимка, звучните бранови од звучниците патуваат низ воздухот до нашите уши. Тогаш го слушаме нашиот глас како што другите го слушаат. Кога зборуваме, го слушаме звукот кој излегува од нашата уста и вибрациите произведени од гласните жици кои патуваат низ нашата глава.

Зошто имаме главоболка кога јадеме или пиеме нешто ладно?

Сигурно сте забележале дека кога јадеме сладолед или пиеме ладна вода понекогаш нè заболува главата. Ова се случува поради наглото ширење и стеснување на крвните садови во вилицата, што се јавува како реакција на ладно.

Зошто кога јадеме лимон ги затвораме очите?

Овој рефлекс всушност ги заштитува очите од капките на лимонот кои се распрснуваат при цедење и може да предизвикаат иритации.

Зошто сонцето ја потемнува кожата, а ја осветлува косата?

И во двата случаи, сонцето го уништува пигментот наречен меланин задолжен за промени на бојата на кожата и косата. Бидејќи кожата е „жива“, таа реагира на начинот на кој сонцето го уништува меланинот и тој почнува да се произведува во големи количини, па поради тоа кожата станува потемна.

Косата, за разлика од кожата, не е „жива“ и не реагира на ваков начин, па меланинот не ѝ дава боја на косата, туку таа станува посветла (губи од бојата).

Зошто прашината на бела тастатура е црна, а на црна тастатура е бела?

Прашината всушност има сива боја. Но, бидејќи е многу ситна, не ја забележуваме вистинската боја, туку само нијанси кои се посветли или потемни од она на кое се насобрала.

Зошто изворите и потоците жуборат?

Ваквите звуци се јавуваат поради тоа што воздушните меурчиња во водата пукаат. Поради тоа има различни звуци кои ги слушаме од изворите, потоците и реките.

Зошто стрелките на часовникот се движат од лево кон десно?

Во минатото, кога не постоеле часовници како што има денес, времето се прикажувало преку стрелки во насока на сенката на сонцето, која на северната хемисфера била од лево кон десно.

Токму на северната хемисфера биле измислени и модерните часовници, какви што користиме денес.

Зошто се зема крв од домалиот прст?

Ако се земe крв од палецот или малиот прст, може да дојде до инфекција поради тоа што тие се директно поврзани со крвни садови по должината на целата рака.

Поради тоа што домалиот прст најмалку се користи, кожата е најтенка, раната најмалку боли и брзо се губи раната од боцкањето.

Зошто кожата ни се ежи?

Овој феномен се случува поради контракцијата на мускулите и на фоликулите на влакната кога сме изложени на ладно. Ова сме го наследиле од животните.

Кога животните се изложени на ладно или се исплашени, влакната на крзното им се накострешуваат. Уште една причина е и потсвесното креирање на адреналин во ситуации кога чувствуваме страв или возбуда.

Зошто очите не можат да замрзнат на ниски температури?

Нашите очи не содржат рецептори кои реагираат на промени на температурата. Поголемиот дел од очните јаболка е сместен во черепот, па големиот доток на крв ги затоплува очите.

М. В. | Црнобело