Совети кои еден ден може да ви го спасат животот

Кога луѓето ќе слушнат „совети за преживување“, веднаш си замислуваат сцена како сами се наоѓаат на пуст остров или во шума и бараат начини за да се спасат.

Но, важно е да се сфати дека понекогаш дури и низ град ви се потребни совети и трикови за спасување и извлекување од непријатни ситуации.

Ова се некои од најдобрите совети собрани на едно место, кои ќе ви помогнат да не паничите и да се снајдете полесно во секаква ситуација:

Употреба на клучеви за самоодбрана

Еден од најчестите совети за ситуации кога гледате дека ќе бидете нападнати на улица е да ги земете клучевите за да се одбраните. Но, важен е и начинот на кој ги држите.

Не се обидувајте да ги фатите клучевите како на првата слика бидејќи може да се повредите, а и ќе ви треба многу повеќе време отколку едноставно да го држите клучот како нож или да ги стуткате во тупаница. 

Секако, овој совет важи исклучиво за во неизбежни ситуации, а не за во секаква секојдневна ситуација.

Ако таксистот се однесува чудно

Пред да влезете во такси, секогаш запомнете го бројот на автомобилот и доколку сте во можност известете некого во кое возило сте. Доколку возачот почне да се однесува чудно и сомнително, заѕвонете на некого, на било кој, или едноставно преправајте се дека ѕвоните.

За време на разговорот доколку гледате дека ситуацијата е сериозна, кажете го бројот на возилото, а ако само ви е чудно, продолжете со разговорот додека да се симнете. Така е помала веројатноста дека ќе се обиде да ви направи нешто.

Ако некој ви каже дека нема да ве повреди, бидете внимателни

Обрнете посебно внимание на чудни ветувања. Ако некој без посебна причина ви каже дека нема ништо да ви направи и дека нема никакви намери, тогаш тој има токму таква намера. Ваквите изјави секогаш се алармантни и треба да внимавате многу во овие ситуации.

Пари за итни случаи

Одлична идеја е да скриете пари во маската за телефон. Секогаш може да се случи итно да ви се потребни пари (кои ги немате моментално во новчаник или во случај да ве ограбиле), па овој трик ќе ве спаси во вакви ситуации.

Прва помош во гужва

Ако на некој што е до вас му се слоши додека сте на јавно место, не ги прашувајте сите околу вас одеднаш за помош. Наместо тоа, најдете ја личноста што е најблиску до вас и прашајте ја конкретно само неа.

Во спротивно, никој нема да сака да преземе одговорност, бидејќи секој ќе помисли дека сигурно ќе се најде некој друг што ќе помогне и на крај ќе останете сами, а тие ќе ве одминат.

Правило за безбедност на скали

Никогаш не ги ставајте рацете во џебови кога се качувате или симнувате по скали, за да можете лесно да се фатите за оградата доколку се лизнете или некој ве бутне. Во случај да паднете со рацете во џеб, може да си нанесете сериозни повреди.

Ако нешто не е во ред, не се срамете да бидете некултурни

Секогаш треба да бидете храбри и да избегнувате контакт и поминување време со чудни луѓе и во чудни ситуации. Ако се плашите да бидете сами во лифт со некој сосед, нека не ви биде непријатно да го одбегнете и да почекате или да одите по скали.

Ако мислите дека нешто не е како што треба, не го игнорирајте вашиот инстинкт само за да не навредите некого.

Што ако сепак ве нападнат?

Не се обидувајте да го удрите напаѓачот во лице, бидејќи така рацете ќе му бидат слободни и може да ве повреди. Наместо тоа, подобро е да го удрите во телото или да му ги стиснете силно зглобовите.

Правете вежби за зглобовите секој ден за рацете да ви бидат посилни.

М. М. | Црнобело