Само 12 земји во светот, меѓу кои и Македонија, слават Божиќ на 7 јануари - зошто?


Само 12 земји во светот, меѓу кои и Македонија, слават Божиќ на 7 јануари - зошто?

Најголемиот дел од светот веќе го прослави Божиќ на 25 декември.

Samo-13-zemji-vo-svetot-slavat-Bozik-na-7-januari-01.jpg

Но, одредена група која брои вкупно 12 земји меѓу кои и Македонија, го прославува еден од најголемите христијански празници 13 дена подоцна, односно на 7 декември.

Знаете ли зошто е тоа така?

Причината поради која го славиме Божиќ на 7 јануари заедно со уште 11 други земји во светски рамки е фактот што сè уште се водиме според стариот црковен Јулијански календар.

За разлика од Грегоријанскиот кој се користи во најголем дел од светот, Јулијанскиот календар е поназад за 13 дена во периодот од 1900-2100 година и таа разлика се зголемува за 1 ден по 2100 година.

Она што збунува многумина е мислењето дека Јулијанскиот календар е православен, а Грегоријанскиот се смета за католички, што е навистина погрешно.

Всушност, двата се еден вид обрасци за пресметка на времето кои во основата го имаат сончевиот циклус, односно ротацијата на Земјата околу Сонцето.

Грегоријанскиот календар претставува еден вид корекција на грешката акумулирана со векови во Јулијанскиот календар, создаден по наредба на Јулиј Цезар, воведен во 46 година п.н.е.

Од друга страна пак, и Грегоријанскиот календар кој стапил на сила во 1582 година со декрет од страна на папата Григур XIII не е совршен, бидејќи и тој ќе треба да се коригира, но не на секои 100 години за по еден ден, како што е тоа случајот со Јулијанскиот.

Дали и ние треба да ја напуштиме старата традиција и да се унифицираме според Грегоријанскиот календар како и најголемиот дел од земјите во светот?

Оваа година, за прв пат, Украина го прослави Божиќ на 25 декември и заедно со Бугарија и Грција кои ја напуштија групата која слави на 7 јануари.

Листата на земји кои прославуваат Божиќ на седмиот ден во Новата година изгледа вака:

  • Србија
  • Белорусија
  • Црна Гора
  • Русија
  • Казахстан
  • Македонија
  • Етиопија
  • Еритреја
  • Египет
  • Израел
  • Грузија
  • Молдавија

Кога веќе ја прославуваме Новата година на 1 јануари како и остатокот од светот, зарем не треба Божиќ да се прослави пред Новата година?

Кое е вашето мислење на оваа тема?

(О)Милена | Црнобело

Би можело да ве интересира:

На кое место во светот би се нашле ако ископаме дупка во земјата по пр... Кога бевме мали, се прашувавме на кое место во светот би се нашле ако ископаме д...
Не сакате гужва, тинејџери, евтини пијалаци: 8 знаци дека сте престари... Журка цела ноќ, па мрсна ужинка во 5 сабајле? Ако и самата помисла на ова сценар...
Што открива за вас последната бројка од годината на раѓање? Годината на раѓање игра особено важна улога во нашите животи. Но, сепак најважна...