Што пропуштаат луѓето кои живеат без милениче?

Покрај семејството кое никогаш нема да ве изневери и безрезервно ќе ве сака до крајот на животот, миленичето е следно на листата на ваши најдобри пријатели, а можеби и единствениот кој вистински ве разбира.

За оние што немаат милениче оваа реченица нема никакво значење, но она што го губат во животот без милениче покрај себе е непроценливо:

Некој што ќе ги пречекува на врата

Чувството кога вашето куче или маче ќе ве пречека на врата кога се враќате дома е незаменливо, нели?

Некој што ќе ги слуша

Кога сте тажни или среќни вашето милениче ве слуша, молчи и иако не може да ви врати бидете сигурни дека разбира се. Ја чувствува секоја ваша вибрација и секогаш ќе биде тука да ве развесели или да се радува со вас на негов животински начин.

Некој што секогаш ќе си игра со нив

Без разлика колку и да е уморно, вашето милениче никогаш нема да ве одбие за игра доколку му фрлите топче или го ставите во скут и си играте со него. Тоа знае да ви обрне внимание повеќе и од луѓето околу вас.

Некој што ќе им го разубавува денот

Без разлика дали тоа ќе биде црцорњето на папагалот, лаењето на кучето или мјаукањето на вашето слатко маченце, вие секогаш ќе бидете весели кога ќе ги слушнете истите, посебно доколку ве будат наутро.

Некој што секогаш ќе им прави друштво

Никогаш нема да бидете осамени доколку чувате милениче, а тоа е една од најважните работи кои ги испуштаат оние што живеат без нив, бидејќи осаменоста понекогаш и не е баш најпријатна.

Најдобар другар

Нема да ве излаже, ниту пак да ве изневери, а уште помалку да ве озборува, вашиот миленик ќе биде ваш најдобар пријател кој со молчење ќе ви покажува колку навистина му значите.

Некој што ќе ги сака безусловно и искрено!

Миленичето не знае за омраза, тоа знае за тага и среќа, но нема срце кое може да ве мрази, за разлика од луѓето. Вашето милениче е суштество кое ќе ве сака безусловно и искрено сè додека е дел од вашиот живот, запомнете го тоа!