Дали специјалните хеланки за фитнес ги подобруваат резултатите и ефектите од вежбањето?

Доколку практикувате каква било физичка активност, многу е веројатно дека барем еднаш во животот сте облекле специјални хеланки за вежбање. Да не се лажеме, нивното облекување е физичка активност сама по себе.

Тие се многу поцврсти за разлика од обичните хеланки, изработени од специјален материјал под притисок, односно со компресија или набивање на текстилот.

Оттука, многумина сметаат дека ваквите хеланки ги држат нозете „на место“, ја зголемуваат физичката издржливост, го прават вежбањето поправилно, или пак, помагаат во согорување повеќе калории.

Еве една лоша, но вистинита вест: Хеланките немаат никаква врска со брзината или издржливоста при вежбањето.

Новото истражување спроведено при Медицинскиот центар Векснер на Државниот универзитет во Охајо, САД, потврди дека „стегањето“ на нозете во специјални хеланки за вежбање, не го подобрува разултатот, ниту ефектите од вежбањето. Напротив, не прават апсолутно никаква разлика, па може да си се вратите на старите удобни памучни хеланки.

Најголемата заблуда досега беше дека специјалните хеланки оневозможуваат нозете да „вибрираат“ додека трчате или вежбате, а тој процес автоматски му пружа на телото повеќе енергија за трошење.

Со цел да ја потврдат или одбијат теоријата, истражувачите поставиле 20 луѓе на лента за трчање. Едниот ден трчале во специјалните фитнес хеланки, а другиот во обични шорцеви.

Потврдено е дека специјалните хеланки навистина го намалуваат импулсот на вибрации кои го оддаваат мускулите, но тоа нема никаква врска со енергијата, брзината или потрошените калории.

Специјалните фитнес хеланки можеби навистина даваат некој вид потпора, помагаат во циркулацијата и несомнено во нив изгледате подобро и позгодно.

Но, доколку очекувате магично да ви го обликуваат телото или да ви дадат повеќе енергија, не трошете си ги парите залудно на скапи фитнес хеланки.

(О)Милена | Црнобело