6 вежби за рамен стомак кои можете да ги правите во седечка положба


6 вежби за рамен стомак кои можете да ги правите во седечка положба

Работата во канцеларија има многу предности, но долгото седење во иста положба може и да му наштети на вашето здравје и формата на телото.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-01.jpg

Доколку немате време за тренинг и вежбање после работа, а сакате да го намалите вишокот околу стомакот или едноставно да го стегнете, има решение и за тоа.

Собравме 6 вежби кои можете да ги правите додека седите на стол, а ќе ве направат поенергични и ќе ви го направат стомакот порамен.

1. Кренете го коленото кон градите

- ги зајакнува стомачните мускули, го подобрува варењето и помага во горење калории.

Како се прави:

  • Седнете на столче и исправете го грбот без да го поптпрете.
  • Ставете го стапалото на предниот дел на столот и влечете го кон градите, вовлекувајќи го стомакот.
  • Повторете 20-30 пати со двете нозе

6-vezhbi-za-ramen-stomak-koi-mozhete-da-gi-pravite-vo-sedechka-polozhba-02.jpg

2. Дупло кревање на колената

- во оваа позиција нежно, но ефективно се зацврстуваат сите мускули на стомакот.

Како се прави:

  • Држете ги колената и стапалата споени и потпрете ги рацете на страничните потпирачи.
  • Држете го грбот исправен и полека кревајте ги колената, носејќи ги поблиску до градите, а мускулите на стомакот ќе се истегнат истовремено.
  • Вратете ги нозете во почетната положба, но без да го допрат подот.
  • Повторете 10-20 пати.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-03.jpg

3. Кревање на колената при страничен наклон на телото

- го подобрува држењето на кичмата и се истегнуваат стомачните мускули целосно, помагајќи да се отстрани страничниот вишок.

Како се прави:

  • Седнете поблиску до крајот на столчето со исправен грб и потпрете ги рацете на столчето од страна.
  • Наклонете го телото на една страна потпирајќи се само на едната половина од задникот.
  • Спојте ги нозете и кренете ги колената кон градите како во вежба 2.
  • Вратете се во почетната положба и повторете на другата страна.
  • Повторете 10-20 пати на секоја страна.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-04.jpg

4. Допирање на подот

- помага во губење на вишокот масти околу кичмата и колковите.

Како се прави:

  • Ставете ги стапалата на подот и седнете исправено со телото и рацете.
  • Свртете го горниот дел на телото на десна страна наведнувајќи се нанапред и допрете го десното стапало со левата рака. Останете неколку секунди во таа позиција.
  • Исправете се и повторете го движењето на спротивната страна.
  • Повторете 20-30 пати на секоја страна.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-05.jpg

5. Кревање на телото над столот

- брзо губење калории и зајакнување на стомачните мускули, грб и рамена. Секако, столчето мора да е стабилно, цврсто и без тркалца. (оваа вежба не е задолжителна бидејќи е ризична)

Како се прави:

  • Седнете на стол и потпрете ги рацете на страните.
  • Кренете го телото подигнувајќи ги задникот и колковите, а со рацете притискајте го столот и кревајте ги колената кон градите колку можете.
  • Останете во оваа положба 15-20 секунди, а потоа полека вратете се во почетна положба.
  • Повторете 4 пати.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-06.jpg

6. Допирање на лакт и колено

- корисно за кичмата и за зајакнување на мускулите во долниот дел на стомакот.

Како се прави:

  • Седнете на стол со исправен грб без да се потпрете назад, а рацете ставете ги зад глава.
  • Кренете го десното колено во насока на градите и во исто време наведнете го левиот лакт во правец за да се допрат.
  • Вратете се во почетна положба и повторете 15 пати.
  • Сменете ја раката и ногата и повторете 15 пати.
  • Овие вежби најдобро е да се прават во 4 серии.

6-vezhbi-za-ramen-stomak-koi-mozhete-da-gi-pravite-vo-sedechka-polozhba-07.jpg

М. М. | Црнобело

Би можело да ве интересира:

Се потите на почетокот на вежбањето: 6 знаци дека телото ви е во добра... Да се биде во добра физичка форма не е секогаш поврзано со вежбање. Не зависи од...
Вежби со кои ќе изгледате одлично кога сте голи Убаво обликуваното тело е сон на секоја жена, но сепак за да се оствари тоа треб...
15-минутен тренинг кој го обликува и зацврстува телото Вежбите кои се вбројуваат во овој тренинг се високо интензивни и напорни, па зат...