На која справа во теретаната има најголем ризик да се повредите?

Затегнатиот грб и стомак се сон на секој човек, но кога одите во теретана не заборавајте прво добро да се загреете.

Теретаната е место каде се релаксирате, ги оставате сите ваши грижи и работите на своето тело.

Сигурно од десетиците справи кои ги има таму размислувате која е најефикасна за вас. Но, дали сте помислиле која е најопасна?

Верувале или не, тоа е лентата за трчање. Токму оваа справа е виновна за најголем број од повредите стекнати во теретаните.

Според податоците на системот US National Electronic Injury Surveillance System трчањето на лента е причина за едно од три патувања од теретана во болница.

Повеќето од овие повреди се изместувања и фрактури на коленото. Најчесто настануваат поради недостиг од соодветно загревање пред тренингот, како и преголемо форсирање на темпото.

Може да имате дури и пад од лентата за трчање, па да настанат и низа други повреди, затоа внимателно при практикувањето на оваа физичка активност наредниот пат кога ќе појдете во теретана.

С. С. | Црнобело