5 жешки есенски трендови за згодни младоженци (фото)

Се чини дека на нашите простори ретко кој младоженец отстапува од строго зацртаните критериуми на облекување – црн смокинг, бела кошула, елегантни чевли.

Но, правилата на игра се менуваат. Како што невестите си бараат свој препознатлив печат, време е и младоженците да направат поинакви избори, бидејќи модните ризици најчесто се исплаќаат.

Што носат младоженците оваа есен? Пред вас се 5 жешки трендови кои ќе ја трансформираат строгата визија за изгледот на машката половина на свадбата:

Смарагдно зелена боја

Во центарот на вниманието се зелени костуми во зелено смарагдна боја. Одлично го надополнуваат како свечениот, така и полежерниот изглед.

Смели шешири

Секако, не во стилот на Фарел односно не толку масивни шешири, но ниските шапки со широк обрач се одличен избор за секој модерен младоженец кој сака да отскокнува од топлата. Воедно, одлични се за фоткање во природа.

Плишни сакоа

Плишот оваа сезона се враќа на голема врата, а особено кај машките сакоа. Доколку сакате вистински моден погодок, одберете плишено сако во смарагдна боја. На тој начин ќе имате двојна модна победа.

Црвени детали

Каков било црвен детаљ е одлична идеја за свадбениот стајлинг, без разлика дали станува збор за лептир машна, вратоврска или шамивче во џебот.

Мешање на меки земјени тонови

Меките пастелни и земјени тонови се одлична појдовна основа за смирен, но истовремено модерен стајлинг. Одберете кошула во пастелна боја и надополнете ја со квалитетно сако или елек во смирени, земјен тон.

(О)Милена | Црнобело