Од поинаков агол со Рената Кралевска: „Сакајте се и фокусирајте се на сопствениот живот“


Од поинаков агол со Рената Кралевска: „Сакајте се и фокусирајте се на сопствениот живот“

Светската сцена е нејзината цел, а во секој проект соработува со еминентни музички имиња и е чекор поблиску дотаму.

pejachkata-renata-kralevska-sakajte-se-i-fokusirajte-se-na-sopstveniot-zivot-01.jpg

Младата и талентирана Рената Кралевска стана миленичка во Македонија со својот глас и стас, но не сопира тука, секој нејзин чекор е насочен кон освојување на светската сцена. Нејзин последен проект е „Queendom“, аудио и видео проект сниман со продуценти во Шведска.

Празничниот период Рената го користи за одмор, а новости на музички план најавува за 2018 година.

pejachkata-renata-kralevska-sakajte-se-i-fokusirajte-se-na-sopstveniot-zivot-07.jpg

Активна е на сцената уште од 2012-та година, кога се најде на повеќе светски листи и аудио компилации во Лос Анџелес дистрибуирани од продуцентите на World Chart Show заедно со Ела Хендерсон, Ники Минаж, Лени Кравиц.

pejachkata-renata-kralevska-sakajte-se-i-fokusirajte-se-na-sopstveniot-zivot-10.jpg

Проговоривме со неа околу тоа што ја инспирира во животот и кое е нејзиното мото:

Кое е твоето животно мото и советот кој би си го дала на помладата верзија од себеси?

Како сè повеќе минувам низ животни ситуации, така функционирам не обврзувајќи се кон едно мото.

Но, ќе кажам, сакајте  се и фокусирајте се на своето духовно развивање толку многу што нема да имате време да се фокусирате на туѓите животи.

На помладата верзија само би ја посоветувала никогаш да не брза во процесот на растење, созревање, затоа што навистина се доаѓа во вистинското време со вистинските лекции.

pejachkata-renata-kralevska-sakajte-se-i-fokusirajte-se-na-sopstveniot-zivot-08.jpg

Кој е најдобриот совет што си го добила во животот и од кого?

Мајка ми е личноста која точно знае во секој момент да ми ги каже вистинските зборови.

Инаку советот што нема да го заборавам е: „Не им верувај секогаш на мислите, слушај го срцето и својот инстинкт. Никогаш нема да згрешиш.“

pejachkata-renata-kralevska-sakajte-se-i-fokusirajte-se-na-sopstveniot-zivot-03.jpg

Најинспиративна книга...

Топло ја препорачувам книгата „Анастасија“ на Владмиир Мегре. Книга која ми ги отвори очите за тоа кои сме навистина и колку е голема нашата моќ, а на каков погрешен начин денес човекот е навикнат да ја употребува.

Оваа книга пред сè е лично доживување, затоа верувам дека во секого ќе разбуди мало освестување кое ќе расте и нема да има крај. 

pejachkata-renata-kralevska-sakajte-se-i-fokusirajte-se-na-sopstveniot-zivot-09.jpg

Фото: Зоран Зонде Стојановски/ Ненад Тасевски

С. С. | Црнобело

Би можело да ве интересира:

Андреа Лекиќ: Би ми било многу тешко, ако сега треба да бирам помеѓу к... Пиевме кафе на омиленото место на Андреа Лекиќ. Девојката која заедно со целиот ...
Dub Fx – Бенџамин Станфорд: Почнав да заработувам после 6-тата година ... Имавме чест за ексклузивно интервју со Dub Fx, човекот кој од доаѓа од Мелбурн, ...
„Животот е авантура!“ - Мила, нашата стјуардеса која го живее својот с... Таа е Мила, прекрасно македонско девојче кое го живее својот сон. Работи како ст...