6 начини на кои работодавците може да ве прелажат и како да се заштитите

Сите кои активно бараат работа знаат дека секогаш треба да бараат игла во сеното, поточно, дека никогаш работите не се онакви какви што се прикажуваат на првото интервју.

Постојат неколку трикови и начини со кои работодавците сакаат да ви ја искористат силата, но тука мора да бидете мудри.

Бидејќи никој не смее да ви го користи трудот, вреди да знаете како да се заштитите:

1. Плата

Трик: Работодавецот ви ја кажува висината на платата, без да ги исфрли годишните давачки и даноци.

Што да правите: Секогаш прашајте за бруто и нето износот.

2. Напредување

Трик: Ви ветуваат дека многу брзо може да им станете нивен асистент, односно да напредувате бидејќи има отворена позиција.

Што да правите: Распрашајте се по колегите дали и како луѓето напредуваат во фирмата и дали при отворањето на нови позиции напредуваат веќе вработени или се носат нови лица од надвор.

3. Долгови

Трик: Внимавајте да не потпишете документ во кој се обврзувате да плаќате телефонски сметки или нешто слично, во кој може да има заостанати долгови од претходниот вработен на ваше место.

Што да правите: Никогаш не потпишувајте документ за материјална одговорност додека не се консултирате со лице кое се разбира. Имајте на ум дека никогаш не носите одговорност за грешките на претходниот вработен.

4. Канцеларија

Трик: Ви ветуваат личен компјутер, биро и место, како и редовно одржување на просторот, за потоа да добиете еден агол, стар компјутер и хигиеничарка еднаш во 2 месеци.

Што да правите: Не се срамете да побарате да го видите местото на кое ќе работите.

5. Пенали

Трик: Имајте на ум дека не секогаш во договорот мора да стои потточка во која се нагласува времетраењето на паузите или дрес кодот, за на крајот од месецот работодавецот да ви одбие неколку проценти од плата како пенали. Паузите се регулирани со закон, а дрес кодот варира од фирма до фирма.

Што да правите: Консултирајте се со адвокат за да проверите што ви е дозволено според закон. Плус, имајте на ум дека прво следи опомена, па кратење од плата.

6. Работно време

Трик: Ви ветуваат 8-часа работно време, но всушност имате задачи кои траат по 10 до 12 часа дневно.

Што да правите: Разговарајте со луѓето кои работат или работеле во компанијата. Потоа прецизирајте дали ќе работите на работно време или завршени обврски во денот. Исто така, знајте си ги правата за секој прекувремен час работа.

М. Д. | Црнобело