Рокови, средби, ситуации: Совети како да се справите со стресот на работното место


Рокови, средби, ситуации: Совети како да се справите со стресот на работното место

Позитивниот став и фокусираниот ум ви се неопходни на работното место затоа кажете му стоп на стресот.

rokovi sredbi situacii soveti kako da se spravite so stresot na rabotnoto mesto 01

Работата е дел од животот, значаен и есенцијален. Секојдневно ги користиме нашите таленти за да добиеме нешто за возврат.

Тоа е процес на давање и земање од кои двете страни имаат придобивки и заедно придонесуваат за подобрување на општеството.

Обезбедување на семејството, плаќање сметки и купување на неопходните и посакуваните работи, едноставно работата е одговор за нашите потреби.

Но, за жал, секоја работа не е соодветна за секого. Некои мора да работат работа што не ја сакаат, додека други за време на процесот на работење престануваат да ја сакаат.

Поради едни или други причини, работата неретко ни предизвикува стрес, а стресот дефинитивно не е добар за нашето здравје.

Еве со каков вид на стрес се судираме на работното место и како да се справиме со него:

Стрес од временски притисоци

Ова е најчестиот вид стрес на работа. Мислиме дека немаме доволно време за да ја завршиме задачата, паничиме и правиме повеќе работи паралелно, неквалитетно и нецелосно.

Акција:

Научете да менаџирате со вашето време и да правите листа на приоритети. Одлучете која задача е на прво место и започнете со неа. Задачите кои се итни, но не приоритетни, доверете им ги на луѓе на кои им верувате.

rokovi sredbi situacii soveti kako da se spravite so stresot na rabotnoto mesto 02

Стрес од исчекување

Овој вид на стрес се јавува од малку претерано исчекување на иднината. Толку многу мислите на тоа што несигурностите околу тоа што сѐ може да се случи ве опседнуваат.

Акција:

Бидете позитивни и не дозволувајте стравот да ве парализира. Медитацијата ќе ви помогне за смирување. Замислете го најдоброто и најлошото можно сценарио и ако мислите дека нешто ќе тргне по лошо во блиска иднина, направете план за делување.

Бидете храбри и не мислете на неуспехот. На препреките гледајте како на предизвици од кои ќе научите и растете.

Стрес од ситуации

Овој вид на стрес се јавува кога ви изгледа како сè да излегува од контрола. Ненадејно и без да знаете зошто сѐ ви оди по надолнина. Може да биде ненадеен конфликт со колега или неочекувана јавна критика од шефот.

Акција:

Како реагирате на овој вид стрес зависи од вашиот карактер. Во ненадејна ерупција на конфликт, вие или можете да се придружите кон конфликтот или да се повлечете.

Најважно е да бидете свесни што правите и кои треба да бидат вашите постапки за да пронајдете решение без разлика на стресот под кој сте. Бидете смирени и не подлегнувајте на напливот на емоции и бидете трпеливи да ги чуете и разгледате сите страни на конфликтот пред да делувате.

rokovi sredbi situacii soveti kako da se spravite so stresot na rabotnoto mesto 03

Стрес од средби

Овој вид на стрес може да се појави од прекумерни средби со луѓе, без разлика дали сте интроверт или екстроверт. Можеби не ви се допаѓаат или не им се допаѓате, но морате да комуницирате со нив. Исто така можеби ги среќавате за првпат, па се грижите како ќе ве перципираат.

Акција:

Бидете емпатични и потрудете се да ја разберете гледната точка на другата личност. Ставањето на себе во туѓи чевли ќе направи да ги разберете чувствата и постапките на другите и ќе ви ги зацврсти врските со нив.

Кога и да сте под стрес, најважно е длабоко да дишете за да му испратите сигнали на мозокот да се смири, а тој пак потоа ќе го стори истото до целото тело.

С. С. | Црнобело

Би можело да ве интересира:

Како да остварите бизнис врски што ќе траат? Сигурно сте чуле милион пати досега дека: „Напредувањето во кариерата се врти ок...
Ги сакате милионите на најуспешните луѓе на светот - 10 навики кои ќе ... Тие не трошат време и енергија залудно, туку имаат однапред зацртан план до кој ...
7 особини на одличниот лидер Добрите лидери не се раѓаат, туку се создаваат со многу труд. Тоа е цената што т...