Роботите доаѓаат на сцена: Кои работни места ќе ги заземат по 20 години?

Шијачки, шанкери, продавачи, банкарски работници... Тука роботите ќе стапат на сцена!

Живееме во свет кога технологијата се развива со брзина на светлината. Како вчера да излегоа првите мобилни телефони, а погледнете денес колку опции имаат и колку низа други гаџети постојат.

Технологијата навистина ни го олеснува животот, но ве плаши ли малку помислата дека таа во иднина може да не замени речиси во сè?

Во наредните 20-30 години некои професии може да исчезнат:

Професори

Наместо предавање лице в лице, денес едукацијата сè повеќе се сведува на нови методи преку интернет.

Учите на далечина со индивидуализиран процес соодветен за вашето ниво преку разни онлајн платформи.

Шивачки

Функцијата „автопилот“ е совршена за замена на шивачките, такси возачите, работниците на полиграф, рударите...

Исто така, и поштарите ќе исчезнат за сметка на електронската комуникација.

Шанкери

Шанкери, хостеси во ресторани и хотели, тренери во фитнес центри, се дел од професиите што може да ги извршуваат роботи.

Ќе се намалува и бројот на туристички водичи затоа што онлајн резервирањето и патување во сопствена режија испаѓа поевтино.

Трговија и маркетинг

Чекање редици пред касата додека касиерката пресметува колку треба да ви врати кусур и ги става производите во ќесе ќе стане минато.

Во иднина со автоматски каси во продавниците бројот на вработени во маркетите драматично ќе се намали.

Финансиска сфера

Банкарските работници ќе бидат заменети со моќни апликации, разбирливи за корисниците.

Развојниот план за вашиот пензиски фонд лесно ќе можете да го направите преку интернет.

Медиуми

Бројот на новинари во медиумите ќе се намали. Во Associated Press  веќе се користи робот за пишување на вести.

Сепак не очајувајте, професионалци ќе се бараат насекаде. Робот може ќе напише некоја автоматска приказна од среден ранг, но за нешто моќно доловено на вистински начин сепак ќе биде потребен новинар.

Со технологијата може да се заменат само рутинските работи, кои ни одземаат време и напор и тоа време ќе можеме да го искористиме да се посветиме на навистина важните и комплексни задачи.

Се разбира, судејќи по развојот на технологијата, IT секторот е најдобриот избор за образование на вашите деца. Роботика, биоинженеринг, пронаоѓање на нови енергетски извори се сфери што ќе цутат во иднина.

С. С. | Црнобело