Од машка гледна точка: Живеење заедно

Кога станува збор за живеење со партнер, девојките многу полесно се согласуваат на ваков чекор.

Кога би се прашале момците, ова се нивните размислувања за заедничкиот живот:

Два телевизори!

Мит: Тој ќе донесе свој телевизор кој ќе стои во спалната, така таа ќе може да ужива во серии, а тој во фудбал.

Реалност: На неа најверојатно нема да и се допадне концептот на спална соба со телевизор, ниту пак повеќето работи кои тој ќе ги внесе во домот.

Излегување со другарите

Мит: Машките вечери со пијанчење и журки ќе си продолжат по стар распоред, но од сега ќе ве чека дома девојката со топла прегратка.

Реалност: Кога живеевте одвоено таа не ја знаела реалната слика на твоите излегувања и мирисот на алкохол и цигари што го шириш кога ќе се вратиш. Сега ќе те чека загрижена со еден куп прашања.

Лична чистачка, која живее со тебе

Мит: Жените сакаат ред, ќе чистат позади тебе и нема да приговараат за нередот.

Реалност: Заедничкиот живот значи заедничко средување на станот. Ќе си ги поделите обврските ако сакате да функционирате како што треба.

Секс, секогаш, секаде!

Мит: Сега кога живеете заедно, таа ќе сака секс во секое време.

Реалност: Сексот ќе биде онолку достапен што и двајцата ќе престанете да го цените фактот дека можете да го правите кога ќе посакате и каде ќе посакате.