Прашања кои паметен маж никогаш не би ги поставил на жена

Понекогаш разговорот со жената може да биде како одење низ минско поле, со затворени очи...

Со оглед на фактот дека жените се далеку поемотивни и почувствителни од мажите, се случува понекогаш да реагираат поинаку отколку што се очекувале.

Затоа момци, бидете претпазливи особено кога станува збор за прашањата, бидејќи за овие неколку работи жените не сакаат да бидат прашувани:

1. Кога последен пат си вежбала?

Ова прашање е за нијанса подобро од прашањето: „Си се здебелила?” Жените ќе ги навреди ова прашање бидејќи ќе мислат дека накачиле некој килограм плус.

2. Колку те чинеше тоа?

Жените не сакаат кога нивните одлуки се преиспитуваат, а особено ако во фокус доаѓа нивната (не)одговорност.

3. Морам ли и јас да дојдам со тебе кај твоите родители?

Колку и да не ги сакате фамилијарните собири, сепак не смеете вакво нешто да и кажете на вашата жена. Таа ќе помисли дека вие воопшто не ги сакате нејзините родители и ќе ја ставите во неугодна ситуација која ќе предизвика стрес кај неа.

4. Ќе имаме ли секс?

Ова прашање на жената може да и делува на разни начини, но од сите тие начини ниту еден не е добар. Дефинитивно нема да пробуди страст кај неа и ќе и донесе погрешен впечаток.

5. Дали си во ПМС?

Жените мразат кога нивното расположение се препишува врз основа на процесите кои се случуваат во нивниот организам.

6. Што ти е?

Повеќето мажи веќе го знаат одговорот на ова прашање, а тоа е: „Не ми е ништо”.Проблемот е во тоа што жените прашањето го сфаќаат како еден вид на осудување, отколку како вистинска грижа кон неа.

7. Тоа ќе го облечеш?

Ова прашање кај жените ќе ја пробуди несигурноста, но и повеќето жени се многу чувствителни кога нивниот изглед индиректно се критикува.