Искреност, црвена боја, мистериозен став: Работи заради кои сте попривлечни

Добрата комуникација помеѓу луѓето е комплексна и задолжителна вештина.

Кога станува збор за комуникација со личноста која ве привлекува, постојат многу фактори кои ќе ја оценат како успешна или не. Како дел од човековата психологија, флертот и начинот на кој ја искажуваме нашата привлечност е предмет на истражување на многу истражувања.

Според тие истражувања, ова се неколку сумирани факти, преку кои ќе делувате поатрактивно:

1. Постојат 5 видови на флерт

Според истражувањата на Универзитетот од Канзас, постојат 5 видови на флертување: традиционално, физичко, отворено, шеговито и со порезервиран однос. Иако повеќето го практикуваат шеговитиот пристап, сепак, кога на некого му пристапувате отворено и директно имате повеќе шанси да ве сметаат за атрактивни.

2. Директен контакт со очи

Директниот контакт со очи ја покажува вашата заинтересираност. Научно е докажано дека контактот со очи повеќе од две минути, неизбежно предизвикува создавање на позитивни чувства дури и кон непозната личност.

3. Физички контакт со рацете

Оние кои ја искажуваат својата наклонетост со суптилни допири за раката или рамото, имаАт многу поголема шанса да изгледаат поатрактивно во очите на другиот.

4. Мистериозен став

Иако звучи помалку излитено, сепак таинствениот изглед навистина функционира. Тоа е така поради натпреварувачката природа на човекот, односно потребата да покажува посебен интерес за тоа што е потешко да се стекне.

5. Бојата на гласот

Можеби и не сте забележале, но, потсвесно кога некој ви се допаѓа ја менувате бојата на гласот. Мажите ги сметаат за поатрактивни оние жени кои имаат повесел и потенок глас, додека понежниот пол повеќе го привлекуваат мажи со подлабок тон на гласот.

6. Положбата на главата

Освен гласот, потсвесно ја менуваме и положбата на главата. Кога жените разговараат со некого за кого сметаат дека  е привлечен, ја наведнуваат главата понапред. Мажите кога флертуваат инстинктивно ја поткреваат главата, заедно со рамената наназад. Овие суптилни движења се индикатор дека сте заинтересирани за некого, што ве прави поатрактивни и достапни за разговор.

7. Црвена боја

Истражувањата покажале дека кога жените носат црвена боја на гардероба или накит изгледаат многу попривлечно. Црвената боја се смета за атрактивна, поради тоа што е боја која најчесто е поврзана со сексуалноста.

8.  Искреност

Можеби ви е потешко да пристапите со искрен и отворен однос, но, овој пристап се покажал многу поефективен. Со тоа што директно покажувате што сакате и мислите, оддавате изглед на самоуверена, лојална и отворена личност.

9. Движење со рацете

Кога разговараме со некого доколку заземеме мирен став, предизвикуваме сомнеж кај другата личност. Гестикулациите со рацете се докажани како ефективен начин да привлечете нечие внимание, секако во умерени движења.

И. И. | Црнобело