|
 Дали кога патувате се срамите од постапките на своите сопатници, или и самите сте виновни за некои туристички грешки? Имено, туристите...
...често знаат да ги шокираат домаќините.
Без разлика дали се работи за чепкање околу автоматите за карти или одење малку поразголен, еве неколку приговори кои иритираните домаќини ги поставиле на блоговите на градовите во кои што живеат.
Лондон
Како се жалат лондончаните може да се прочита на веб страната londonist.com, нив едноставно ги вади од такт кога туристите ќе почнат да се плеткаат околу автоматите за карти. Тој функционира со единствена пластифицирана пропусница, а често пати се случува некои „паметни“ туристи да се обидат да се шверцуваат пикајќи во автоматот хартиена карта.
Распрашајте се убаво за лондонскиот транспорт!
Барселона
Туристите по дуќаните, рестораните и кафулињата се шетаат по костуми за капење, а тоа е она што најмногу им пречи на жителите на Барцелона, барем така напишале на страницата barcelonasights.blogspot.com.
Облечете се пристојно во Барселона ако одите во шопинг-центар
Копенхаген
Жителите на главниот град на Данска се многу горди на бронзената статуа Мала сирена кој се наоѓа во градската улица и кој е симбол на градот. Меѓутоа туристите често пати очекуваат спектакуларна статуа со големина на Статуата на слободата во Њујорк. Токму разочараните лица на туристите многу им одат на нерви на домаќините. Со оглед дека статуата се вика Малата сирена, не би требало туристите да се толку изненадени, е еден од коментарите на thecopenhagenreport.blogspot.com.
Малата сирена е мала – немојте да бидете разочарани, барем не пред домаќините
Мумбаи
Во индискиот Мумбаи морате многу да внимавате да не ве слушнат дека нивниот споменик Вратата на Индија го нарекувате Индиска Врата, што преставува сосема друг споменик и тоа во Делхи. Делхи им е голем трн во око затоа што добива повеќе државни средства. „Да се нарече така нашиот култен споменик е скрнавење“!, пишува на mumbaimagic.com.
Само осмелете се Вратата на Индија да ја наречете Индиска Врата
Москва
Московјаните имаат најверојатно најчуден приговор. „Туристите лесно ќе ги препознаете, постојано се смеат. Тоа ги иритира повеќето московјани“, пишува на see-you-in-moscow.com.
Ако сакате да им угодите на русите, тргнете ја насмевката од лицето.
Рим
Римјаните речиси ги следат московјаните. Имено, многу ги нервираат туристи кои немаат приговор. „Забораваат дека тоа е модерен град. Трагајќи по автентично римско искуство, туристите ги прифаќаат лошите услуги и безобразното однесување кога навистина би требало да речат доста“, стои напишано на moscerina.com.
Во Рим сакаат пробирливи гости
CRNOBELO.com има уште многу интересни содржини:  Магично кампување во шума...Ако сте љубители на кампување и зеленило, сигурно ќе ве воодушеви еко-кампот во Шведска. Лоциран во прекрасната шума покрај езерото Skärsjön...
...  Индија - различност и спиритуалност...Република Индија: Дом на прастарата Цивилизација на Индиската Долина и област на историските трговски патишта и пространи империи, индискиот...
...  Сакате да си купите остров?...Дали некогаш сте посакале да поседувате далечен тропски остров? Можеби звучи неверојатно, но денес и тоа е можно. На светот постојат неколку илја...
 |
Прикажи/Сокриј коментари
I ako neznaes da se razberes bidejki anglicanite zboruvaat brzo, togas te faka vistinsko ludilo. :*
