Алпска куќичка сред Лондон

Автентична швајцарска дрвена куќа или колиба, какви што се градат на Алпите, е направена и во центарот на Лондон. Се наоѓа во дворот на “Swissotel The Howard“.

 

Овој “Swiss Chalet“ е дело на мајстори од Швајцарија, со сите традиционални декорации и ракотворби, за гостите да се чувствуваат пријатно и како да се некаде на Алпите.

Наменета е за специјални забави и компаниски настани, а собира 250 гости.

Храната е типично швајцарска, се разбира, со познатото фонду од сирење, оброците од посебно обработен сецкано месо, богат избор салати, а за десерт извонредната штрудла од јаболка со пудинг или тортата од цреши со “Chantilly“ крем.

По вечерата, гостите можат да уживаат покрај каминот со чаша варено вино. Швајцарската куќарка во центарот на Лондон ќе биде се до 31 март 2010 година, отворена е од 18 до 22 часот, а комплетното мени е околу 30 евра по човек.

Уникатно и навистина убаво изработено! Браво!