10-те најубави плажи на Крит

Огромниот остров Крит е познат по своите фантастични плажи - мали, големи или затскриени, за секого по нешто, за сечиј вкус.

Најубавите плажи на Крит:

1. „Balos“ во Ханија

„Balos“ e фантастична локација на северозападниот дел на Крит, во регионот Ханија. Оваа плажа е како да сте на Карибите - егзотични води, мек бел песок и огромен остров со венецијански замок на врвот.

2. „Elafonissi“ во Ханија

Оваа плажа се наоѓа на југозападниот дел на Крит и претставува егзотично место со кристално чисти води. Рај на земјата,  многумина би рекле, заради белиот и розов песок и кедровите дрвја кои се протегаат по должината на целото крајбрежје.

3. „Vai“ во Ласити

„Vai“ претставува навистина посебна плажа, пред сè затоа што ја има најголемата палмина шума во Европа, 5.000 дрвја. И секако, мек песок и кристална вода заради која секое семејство посакува да оди.

4. „Falassarna“ во Ханија

„Falassarna“ е голема песочна плажа на западниот дел на Крит. Најблиску се пристигнува од градот Кисамос. Оваа плажа претставува фантастична место за идеален семеен одмор со деца.

5. „Preveli“ во Ретимно

На јужната страна на Ретимно се наоѓа местото со магична природна убавина, „Preveli“. На ова место се влева река во морето, а пред тоа поминува низ многу палми и формира езеро во близина на морето.

6. „Matala“ во Ираклион

„Matala“ била добро позната во `60-те и `70-те како хипи место, бидејќи многу хипици доаѓале и поминувале месеци во карпите над плажата. Денес долгото крајбрежје е идеално место за сончање и уживање во морската вода.

7. „Rodakino“ во Ретимно

На јужната страна на Ретимно, во близина на туристичкото село Плакијас, се наоѓа големата песочна плажа „Rodakino“. На еден дел има лежалки за одморање, но има подзатскриено место за оние кои се авантуристички расположени.

8. „Plakias“ во Ретимно

Прекрасно место ако сакате да избегате од уката и буката на големите градови и да се препуштите на уживање во тишината, а во попладневните часови да уживате во вкусни рибини деликатеси.

9. „Tympaki“ во Ираклион

Уште една одлична плажа на Крит на кој сигурно ќе можете да се одморите, да се сончате на летното сонце и да уживате во разладување во морската вода. Има ли нешто подобро?

10. „Istro“ во Ласити

Златни и бели песоци, кристално чисти води и природна убавина која нема да ве остави рамнодушни. На оваа плажа можете да уживате, да одморите и потоа да се вратите дома полни со елан и енергија.

Н. Г. | Црнобело