Какво сместување ќе добиете во различни земји во светот за 45 евра од вечер?

45-те евра не секаде имаат иста вредност, па логично, во различни земји и делови од светот ќе добиете сосема различна услуга.

Некаде ќе добиете луксузна соба со базени и на сама плажа, а некаде ќе мора да се задоволите со мотел или хостел.

Ако имате само 45 евра во џебот, еве како ќе ве сместат следниве земји:

Париз, Франција - Тешко дека ќе најдете хотел за овие пари. Можеби ќе бидете сместени во некој апартман далеку од главниот град.

Мајами, САД - Невозможно е да најдете добар хотел покрај плажа за овие пари. Со 45 евра може да се сместите близу меѓународниот аеродром.

Пекинг, Кина – За таа цена ќе мора да побарате хостел.

Токио, Јапонија – Тука полесно ќе најдете евтина соба, но ако се согласите на душек на земја наместо кревет, заедничка бања и туш, како и појадок во кеса.

Рим, Италија – Во центарот на Рим нема шанси да најдете соба за 45 евра, но во околината е изводливо.

Мадрид, Шпанија – Колку што сте поблиску до метрото, толку цената на собата е поскапа, имајте го тоа на ум. Но, тука не е невозможно да најдете пристоен хотел за оваа цена. Често и со вклучен појадок.

Истанбул, Турција – Тука 45 евра ви се сосема доволни за една ноќ во солиден хотел со добар поглед и високо квалитетна услуга.

Москва, Русија – Зачудувачки, но и тука 45 евра ви се сосема доволни за да уживате во хотел со руски шарм.

Лангкави, Малезија – Ќе бидете сместени во добар ресорт и ќе уживате во дополнителни услуги како спа, базен и фитнес сала.

Сванвик, Норвешка – Норвешка е во топ 10-те најбогати земји во светот, па не очекувајте луксуз. Она што може да го добиете е скромно кампување, некаде на планина.

Пукет, Тајланд – Хотелите во Тајланд имаат ниски цени и стандарди, па за 45 евра таму ќе бидете сместени во луксузен хотел со бесплатни третмани за убавина.

Њу Делхи, Индија – за 45 евра во Индија ќе добиете луксуз со бесплатен мини-бар, козметички третмани и општо елитен третман.

Атина, Грција – Ќе добиете комфор и пристојно сместување, само ако побарате неколку месеци порано.

Тирана, Албанија – Во Албанија може да се најдат соби за 30 евра, па за 45 ќе може да добиете и малку полуксузна услуга со појадок и собна послуга 24 часа.

М. Д. | Црнобело