3 природни средства против мачнините при патување

Годишниот одмор најчесто се поврзува со патување.

Ако се од оние луѓе кои чувствуваат вртоглавица, мачнини или имаат потешкотии при возење со автомобил или автобус, ви предлагаме да ги спречите овие непријатни појави со помош на 3 природни средства:

Ѓумбир

Многу истражување покажале дека ѓумбирот е одличен лек против мачнините. Доволно е да изедете мало парче свеж ѓумбир половина час пред да тргнете на пат или да испиете чаша вода со пола лажичка ѓумбир во прав.

Етерично масло од нане

Ставете 1-2 капки етерично масло од нане на шамивче, исто така половина час пред возењето. Маслото го крева притисокот, па на тој начин ги ублажува мачнините, но не се препорачува кај трудници, мали деца или луѓе кои имаат проблеми со висок притисок.

Чаеви

Мачнините може да ги намалите ако пиете чај од камилица, нане, лаванда или жалфија. Но, не додавајте шеќер или мед бидејќи може да доведат до спротивен ефект.

М. В. | Црнобело