Предлог дестинација: Доживејте го скандинавскиот бисер Гетеборг
Урбаниот центар на југозападниот дел на Шведска, градот Гетеборг, со право се нарекува скандинавски бисер. Многумина го споредуваат овој град со Лондон поради неговиот космополитски дух и автентичен стил.
Градот кој се развил од двете страни на реката Јете Олв денес брои повеќе од 570.000 жители и претставува популарна туристичка дестинација во Европа.
Има многу причини зошто Гетеборг вреди да се најде на вашата листа за патување, а во продолжение прочитајте што сè треба да направите кога ќе отидете таму:
Каде да престојувате?
Во Гетеборг има голем избор на сместување – од полуксузни хотели, до евтини хостели за сечиј џеб - изборот е ваш.
Посетете ја тврдината Skansen Kronan
Најпознатата тврдина во Гетеборг потекнува уште од 17 век. За да стигнете до неа можете да одберете помеѓу стрмно патче или 100 скалила. И едниот и другиот начин е физички напорен, но штом ќе стигнете ќе сфатите дека маката вредела. Од ова место ќе уживате во прекрасниот поглед на градот.
https://www.instagram.com/p/Baa7Ke-lrZ_/?taken-by=th.vacher
Посетете ги знаменитостите во Hagaparken
Во Hagaparken кој се наоѓа под тврдината Skansen Kronan се наоѓаат две важни знаменитости. Едната е црквата Hagakyrkan, а другата споменикот на шведскиот хуманитарец и дипломат Раул Валенберг, кој спасил десетина илјади евреи за време на Холокаустот.
Разгалете ги сетилата во спа центарот Hagabadet
Уште едно место кое вреди да го посетите е спа и велнес центарот Hagabadet кој постои од 1876 година. Дневниот билет вклучува спа, теретана и неколку различни фитнес тренинзи, како и сауна, топли базени, третмани на лице и масажи.
Уживајте во слатките печива од Café Husaren
Неизоставен дел од менито на жителите на Шведска е познатата „фика“. Под „фика“ се подразбира пауза за кафе, чај или топло чоколадо во комбинација со некое печиво, најчесто со цимет. Во Café Husaren ќе ги најдете највкусните благи печива и десерти.
Задолжително одете на шопинг
Улиците на Гетеборг се полни со интересни продавници за сечиј вкус. Од винтиџ антикварници како што се Små Kära Ting, Fåfängan Antik, Bebop i Antikvariatet Röde Orm, па сè до модерни продавници посветени на уредување на домот.
Од нив најпозната е Market 29 каде ќе се инспирирате од традиционалниот скандинавски стил на уредување и ќе украдете некоја идеј за вашиот дом.
М. В. | Црнобело
Би можело да ве интересира:
Препорачуваме
Најчитани неделава
