4 плажи за вистинско уживање

Ако сте се одлучиле одморот да го поминете во втората половина на месец август и месец септември, ова се неколку одлични предлози за вистинско уживање на плажа.

 

Овие 4 плажи важат за едни од најубавите во Европа:

1. Навагио – Закинтос, Грција – на морскиот рај на островот Закинтос можете да стигнете само со брод кој ве води на тура каде имате 1 час за уживање во местото Порто Вроми и на оваа плажа.

Високите карпи го окружуваат белиот песок и создаваат прекрасно заливче познато како Shipwreck bay.

2. Плажата Папагајо – Ланзароте, Шпанија – општо е познато дека убавините најчесто се недостапни, па така и овде може да дојдете само пеш, или со велосипед.

Ланзароте е северозападен остров на Канарите, а оваа плажа е најубава во околината и пошироко.

3. Златни рат – Бол, Хрватска – оваа песочна плажа го менува обликот во зависност од ветровите.

По уживање во морето и плажата, ладовина може да најдете под сенките на боровите.

4. Кала Тарида, Ибица, Шпанија – Ибица не е само место за забава. На овој остров е сместена една од најубавите плажи – Кала Тарида.

Далеку од вревата се крие ситен песок и сино кристално море – совршено за одмор.