Металург го победи Шамбери во Франција


Металург го победи Шамбери во Франција

Арената во Шамбери вообичаено е непобедлива тврдина, но силниот македонски тим на Металург успеа да ги тргне насмевките од лицата на домаќините оваа недела.

metalurg-go-pobedi-samberi-vo-francija

Со победата над Французите Металург успеа да ги освои првите бодови во Ракометната Лига на Шампиони. Во нивната група Ц нема тим кој од старт би се сметал за фаворит, но лошата игра на Французите дефинитивно придонесе кон почитта кон силниот Металург.

Никој не се осмели да каже дека Металург победил незаслужено бидејќи тие беа доминантни во текот на натпреварот со мал исклучок кон крајот на првото полувреме.

По првите 12 минути игра Металург водеше со 4 гола разлика, односно 8-4, благодарение на новодојденецот во тимот Ренато Вугринец.

Кон крајот пак на првото полувреме тимот од Скопје имаше неколку 2 минутни суспензии а Французите ја искористија оваа предност и го превземаа водството со 13-12. Металург успеа да го заврши првото полувреме со резултат во нивна корист но со само еден гол предност.

Во второто полувреме на сцена стапи голманот на Металург, Дарко Станич кој достојно им се спротивстави на нападите на Шамбери, за веќе во 51та минута од натпреварот Металург на има предност од 29-24 која беше воедно и најголема во текот на натпреварот.

Натпреварот заврши со резултат од 33-30 во корист на Металург на големо незадоволство на тренерот на Французите кој изјави дека биле свесни дека тимот на Металург е видно засилен, но и тие самите не успеале да искористат многу шанси па така го загубиле натпреварот. Тој додаде дека е разочаран бидејќи очекувал бодови од овој натпревар.

Тренерот на Металург, Червар, беше видно задоволен и изјави дека оваа победа била огромен поттик за тимот бидејќи Шамбери е еден од најдобрите тимови во Европа и е фантастично да се победи на нивен терен.

Би можело да ве интересира:

Муроја се вивна во двојна победа во Јапонија Најбројната досега видена публика во сезоната на Red Bull Air Race беше сведок н...
Неш потврди дека е најдобар со триумф на првата трка во Марсеј Светското првенство во екстремен спуст на лизгалки (Ice Cross Downhill) покажа д...
Кроксал победи во Финска и ја вжешти битката на замрзнатиот север Фановите на екстремниот спуст на лизгалки (Ice Cross Downhill) во Финска беа поч...