Стартува ЕП во Ракомет

Најдобрите 16 европски репрезентации во женски ракомет од денеска ќе се борат за титулата најдобар на континентот, Европското првенство што до 14 декември...

 

 

...ќе се одржува во Македонија.

Натпреварите ќе се играат во четири групи во салите "Борис Трајковски" во Скопје и "Биљанини извори" во Охрид.

Нашата репрезентација исто така вечерва ќе го има својот прв настап на ЕП и тоа против селекцијата на Германија, средба која започнува во 20.15 во салата „Борис Трајковски“.

Во меѓувреме, во Скопје се вршат последните подготовки за стартот на првенството. ЕХФ и натаму постојано наоѓа нешто што треба да се смени и нивните барања се менуваат, зголемуваат од минута во минута.

Ракометна јавност во нашата земја сигурно дека очекува добар настап на македонската ракометна репрезентација и покрај тоа што секако амбициите не се големи.

Тоа е пред се поради фактот што немаме селекција за висок пласман, па затоа очекувањата се пласман во втората фаза и секако достојно презентирање на нашиот ракомет пред европската јавност како добри домаќини.