|
 Чичкото и тренерот на Рафаел Надал ја обвинува среќата која го следи цела сезона српскиот тенисер Новак Ѓоковиќ. Тони Надал е уверен дека...
...неговиот „ученик“ не би ги изгубил сите шест финалиња оваа година, ако едно топче во финалето на Мастерс турнирот во Мајами завршело поинаку.
„Рафа загуби во Мајами заради едно топче кое за влакно не ја премина мрежата во одлучувачкиот гем на третиот сет. Бевме на два поени до победа. Се’ можеше да биде поинаку. Во спортот постојат фактори кои делуваат како небитни, а всушност можат да направат пресврт во мечот.“
Тони Надал додава и дека поразот на Рафа во финалето во Мадрид, имал силно влијание врз шпанскиот тенисер, што влијаело врз останатите мечови во продолжението на сезоната.
„Ако ги анализираме сите шест порази, ќе видиме дека на Индијан Велс, Рафа беше подобар во првиот сет, но потоа буквално „исчезна“ во мечот. Во Мајами беше близу до победата. Но, потоа се случи неуспехот во Мадрид и ова го исфрли Надал од колосек. Почна да ги губи живците што влијаеше на неговите настапи во финалето во Рим, Вимблдон и УС Опен.“
Сепак, Тони Надал вели дека Новак заслужено е на моменталната позиција.
„Новак заслужено е на првото место. Најдобар е на светот, но имаше многу среќа која за жал не беше и наш сопатник. На пример, во полуфиналето на УС Опен против Федерер се врати после практично изгубен меч. А, Рафа можеби ќе победеше во финалето ако Федерер му беше ривал. Но, не вреди сега да зборуваме за ова. Сe’ се сведува на тоа дека мораш да имаш и доза на среќа.“
Тони Надал заклучува дека „никој не е непобедлив, па ни Новак“ и дека големите ривали сигурно ќе се сретнат барем уште еднаш до крајот на 2011.
„Не сум пророк за да знам што ќе се случува понатаму, но едно е сигурно. Никој не е непобедлив. Се уште не сме нашле решение против Новак, но ајде да видиме дали тоа ќе се промени“ – заклучува Тони Надал.
CRNOBELO.com има уште многу интересни содржини:  Роџер Федерер се ожени...Федерер не е “сингл“ повеќе. Тој се ожени со неговата долгогодишна девојка Мирка Вавринец вчера, на мала церемонија во неговиот роден град Базел....  Сакани и омразени - СП '10...Факт е дека на Светското Првенство има играчи и селектори кои ги сакате или ве нервираат. Кои се личностите кои на ова првенство имаат...
...  Шевченко во Реал Мадрид ?...Реал Мадрид пројавува сериозен интерес кон Андреј Шевченко откако по повредата на Руд Ван Нистелрој се во сериозна потрага по напаѓач. Украинецот...
 |
Прикажи/Сокриј коментари
)))))
Епа Тонка чекај сеа... Што ќе ви е решение, нели само среќа имал? Почекајте малце сигурно ќе му се заврти среќата и Рафа пак ќе тепа нели?
Вака очаен коментар не очекував. Срамота, голем човек и тренер е а со ова да се занимава. Ако на Рафа влијаеле поразите тогаш нека работи со него на ментален план. Што да прави Новак, четри години беше трет и губеше од Рафа и Педерер, што не падна у депресија он?
ЦЦЦ...