Тајната состојка на сите маски против брчки - Аспирин

Секоја жена пробала барем една домашна маска за подмладување, без да знае дека ефектот не бил видлив заради тоа што не ја содржела тајната состојка - Аспирин

Аспиринот има моќ да му се спротивстави на стареењето на кожата, а воедно и помага при проблематична кожа.

Затоа не се двоумете дали да пробате некоја од овие маски:

Аспирин и лимон

Состојки:

• 3 аспирини
• 3 лажички сок од свеж лимон

Изгмечете ги таблетите аспирин и измешајте ги со сокот од лимон додека не добиете паста. Измијте го лицето, нанесете ја пастата и оставете да делува 10 минути. Отстранете ја маската со вода.

Јогурт, мед и аспирин

Состојки:

• 5 аспирини
• 1 лажица јогурт
• ½ лажица мед

Изгмечете ги таблетите аспирин и повторно измешајте ги со останатите состојки. Нанесете на сува кожа, оставете да делува 30 минути, па потоа исплакнете со топла вода.

Пилинг

Состојки:

• 3 аспирини
• 3 лажички топла вода

Изгмечените аспирини разредете ги во вода и со пастата тријте го лицето 2-3 минути. Оставете да делува уште 10 минути. Исплакнете и нанесете крема.

М. Д. | Црнобело