10 начини да се ослободите од непријатниот мирис на стапалата

Прекумерно потење и габични инфекции може да бидат причина за создавање на повеќе пот, што е основа за бактерии кои предизвикуваат лош мирис.

 

Тие што имаат ваков проблем сигурно многупати пробувале сѐ и сешто, но многу работи биле без успех.

Обидете се да искористите некој од овие трикови и да се ослободите од непријатниот мирис на стапалата еднаш засекогаш.

Елиминирајте ги можностите за размножување на бактерии

Повеќето бактерии кои предизвикуваат лош мирис се собираат под ноктите и мртвата кожа. Не заборавајте да ги стругате стапалата со камен за пети кога ги миете и одржувајте ги ноктите чисти и секогаш кратко исечени.

 

По миењето, избришете ги целосно стапалата помеѓу прстите

По туширање, најчесто сите ги бришат стапалата набрзина, заборавајќи на пределот меѓу прстите што останува мокар. Исфрлете ја оваа навика, бидејќи на тој начин се развиваат габичните инфекции.

Јаболков оцет

Направете си лосион од јаболков оцет за да се справите со непријатниот мирис. Натопете памук или газа во течноста и оставете го на стапалата 20 минути, а потоа кожата природно нека се исуши. Потребно ви е:

• 0.5 l  јаболков оцет измешано со 200 ml топла вода

Користете ароматични масла

Најдобар избор е масло од лаванда. Освен што го маскира непријатниот мирис, исто така поседува и антибактериски својства. Ставете 4 капки масло и со нежна масажа, втријте го во стапалата.

Перете ги чорапите од внатрешната страна

На тој начин темелно ќе се исчисти материјалот од нечистотиите на кожата и бактериите.

Дома газете боси или соблечете ги чорапите кои сте ги носеле додека сте биле излезени

Кога носите чорапи и газите насекаде, тие собираат бактерии од подот, а ако подоцна ги намокрите, бактериите почнуваат да се размножуваат.

Користете антиперспирант и за стапалата

Антиперспирантите содржат хемикалии кои помагаат да се намали потењето. Ставете после туширање на чиста и сува кожа.

Побарајте совет од доктор

Ако освен непријатниот мирис, се појави и чешање или лупење на кожата, консултирајте се со доктор. Овие симптоми може да укажуваат на заразни воспаленија и габични инфекции.

Дезинфицирајте ги чевлите кои веќе имаат непријатен мирис

Измијте ги чевлите однадвор. Влошката натопете ја во хлорхексидин, а со памук потопен во истиот раствор, поминете ја внатрешноста на чевлите.

Секогаш носете суви чевли

Секако, најдобро е да имате барем 2 пара чевли за една иста сезона кои постојано ќе ги менувате. Но, ако имате само едни и притоа се мокри, послужете се со стар добар метод. Ставете стари весници внатре и во текот на ноќта тие ќе ја апсорбираат влагата. Можете да се послужите и со фен.

М. М. | Црнобело