7 загрижувачки причини зошто треба да престанете да ја бојадисувате косата

Ќе заштедите време и пари, а косата повеќе нема да ви биде сува и кршлива.

Кога сакате да го промените изгледот драстично, а за малку пари, не постои подобар начин од бојадисувањето на косата. Илјадници години наназад луѓето си ги бојадисуваат косите. Информации за ова постојат уште од времето на древните Египќани.

Бојадисувањето е лесно и забавано, но сепак постојат повеќе причини зошто не е добра идеја.

Бојадисувањето на косата подразбира пенетрирање на хемикалиите од фарбата во кутикулите на вашата коса. Процесот ја менува структурата на влакното, па тоа може да има поинаква текстура по бојадисувањето.

Еве 7 загрижувачки причини зошто треба да престанете да ја бојадисувате косата:

Бојадисувањето може да предизвика паѓање на косата

Никој не сака да ја изгуби косата, особено не ако сте жена. Според едно истражување, губењето на косата од постојаното бојадисување технички е пукање на влакната, но тоа може да се случи во голема мера, па да изгледа како да сте изгубиле многу коса.

Острите хемикалии ја прават косата кршлива и оштетена. Со текот на времето состојбата на вашите влакна само ќе се влошува.

Може да предизвика алергиска реакција.

Повеќето фризерски салони ќе ви препорачаат тест пред да започнете да користите некоја фарба за коса. Истражувањата покажуваат дека многу од фарбите ја содржат хемикалијата парафенилендиамин, која е позната како иритатор на кожата.

Некои фарби за коса може да се поврзат со ракот

Деновиве изгледа како сѐ да е поврзано со ракот. Националниот институт за рак објаснува дека во денешните фарби има и преку 5.000 хемикалии и некои од нив се канцерогени.

За да бидете безбедни, најдобро е да ги избегнете овие остри хемикалии така што нема да користите фарби за коса.

Бојадисувањето ви ја суши косата

Сувата коса е проблем за многумина, без разлика дали е бојадисана или не. Сушењето со фен, пеглањето, виткањето и сите активности кои вклучуваат топлина прават оштетувања на косата.

Работите се уште полоши ако користите пероксид на вашата коса, што е најчесто база на фарбите. Тој е одличен за осветлување на косата и нејзино подготвување за нова боја, но ги суши влакната.

Одржувањето е скапо

Секој месец трошите пари на потстрижување и фенирање на косата, а кога ќе додадете на тоа пари за бојадисување, сумата може да стане доста голема. Дури и сами да ја бојадисувате косата, од време навреме сигурно имате итни посети на фризерскиот салон. Замислете само колку пари може да заштедите.

Одзема време

Бојадисувањето на косата не чини само пари, туку и време. Не постои ништо полошо од користење на слободен сончев ден за бојадисување на косата.

Во ова динамично време, тие неколку заштедени часа добро ќе ви дојдат.

Можете да станете седи достоинствено

Сосема е нормално да посакувате да можете да го свртите часовникот назад во времето пред вашата коса да започне да станува седа. Бојадисувањето на косата е добро решение, но уште подобро е да станете седи сосема природно. Многу жени што го прават ова велат дека е одличен чекор за зајакнување на самодовербата.

Плус, ќе се изненадите колку убава може да биде оваа нијанса.

 

С. С. | Црнобело