Дали ќе бидете поздрави ако секој ден пиете кафе?

Покрај тоа што одлично ве расонува наутро, кафето штити од дијабетес тип 2, срцеви удари, депресија и многу други болести.

Ако сте еден од оние луѓе кои не можат да го замислат почетокот на денот без шолја кафе, тогаш имаме одлична вест за вас – кафето што го пиете секој ден најверојатно е добро за вашето здравје.

Без разлика дали пиете обично турско кафе или денот го започнувате со макијато, кофеинот што ве размрдува не е единствената придобивка од вашата утринска шолја радост.

Ова се долгорочните позитивни ефекти што кафето ги има врз вашето здравје:

Ги ублажува симптомите на Паркинсоновата болест

Кафето што секој ден го пијат пациентите со Паркинсонова болест им помага подобро да ги контролираат движењата, откри студија на Американската академија за неврологија.

Штити од дијабетес тип 2

Кафето содржи минерали како магнезиум и хром, кои му помагаат на телото подобро да го користи хормонот инсулин, кој го контролира шеќерот во крвта.

Ја намалува депресијата кај жените

Жените кои редовно пијат кафе имаат 20 проценти помал ризик од депресија за разлика од оние кои не пијат.

Ја зголемува долговечноста

Некои истражувања покажаа дека постои врска помеѓу консумацијата на кафе и долговечноста. Фантастично, зарем не? Кафето прави да чувствувате дека имате повеќе време во денот, но всушност и ви го продолжува животот.

Помага против запек

Едно неодамнешно истражување покажа дека околу 30 проценти од луѓето имаат потреба да го посетат тоалетот по пиење на шолја кафе.

Ве обезбедува со антиоксиданси

Кафето е богато со антиоксиданси, кои се одлични за вашето здравје. Всушност, тие може да се борат против одредени видови на рак.

Ве штити од болести на црниот дроб

Кафето не само што ви помага да надминете мамурлак, туку и ви помага во одржувањето на црниот дроб здрав.

Ги намалува шансите за срцев удар

Ако пиете нормална количина на кафе (не премногу), тоа може да доведе до мало намалување на шансите за срцев удар, особено кај жените.

Сепак иако кафето е добро за вас, не треба со него да ги замените другите пијалаци како вода, млеко и овошни сокови. Исто така, внимавајте и на количината на шеќер што ја ставате во него.

На ден не смеете да пиете повеќе од четири шолји кафе, а ако страдате од несоница или други негативни пропратни ефекти намалете ја количината.

С. С. | Црнобело