Чадот од тутунот е главниот проблем кај традиционалните цигари

Во светот, денеска има повеќе од една милијарда пушачи. Но, и покрај тоа што и тие знаат дека пушењето е штетно по здравјето, прашање е колку од нив вистински го разбираат главниот проблем на традиционалните цигари.

Истражувањата на оваа тема, но и науката докажуваат дека најголемиот виновник за развојот на болести предизвикани од пушењето е чадот од тутунот, а не никотинот како што досега се претпоставуваше.

Процесот на согорување започнува на температура од околу 400 степени Целзиусови, при што доаѓа до горење на тутунот и создавање на чад од тутун. Топлината на врвот од цигарата достигнува и до 900 степени Целзиусови. На овие високи температури, при согорувањето се ослободуваат голем број и големи количини на штетни материи.

Никотинот е природно присутен во тутунот, но никотинот не е примарен причинител за болестите поврзани со пушењето и исто така не е директно поврзан со предизвикување на малигни заболувања. Науката докажала дека главни причинители на болестите поврзани со пушењето се штетните и потенцијално штетните материи кои се наоѓаат во чадот од цигарите.

Професор Мајкл Расел (1932-2009), британски психијатар, еден од основачите на концептот за намалување на штетата од пушењето, за никотинот има изјавено: Луѓето пушат поради никотин,  а умираат од катран.

Истражувањата покажале дека никотинот, кој всушност е причината зошто луѓето пушат, се ослободува од тутунот и на пониска температура – од околу 250 Целзиусови степени, а не при процесот на согорување.