Филмски викенд: Тинејџерски драми

За овој викенд ви спремивме три филмови што се малку потешки за гледање, некој можеби би рекол дека се досадни. Но мене ми беа интересни и се решив да ги споделам, па вие слободно одберете некој ако ви се допадне.

За разлика од вообичаените тинејџерски филмови, нема тука сонце, плажа, секси девојки и плитки дијалози.

Се обработуваат тешки теми, со чудни ситуации и интересни дијалоци, и сето тоа одглумено од фантастични глумци.

Уживајте во овој филмски викенд!


Hick (2011)

Една тинејџерка од Небраска живее прилично несреќно со нејзините незаинтересирани родители и опкружена со пијаници и пропалици. 

Таа е незадоволна од својот живот и сонува за Лас Вегас. Нема да должам многу, само ќе кажам дека нејзината приказна е прилично интересна.

Животот и дава само сопки на патот, а таа упорно станува и продолжува понатаму, не се откажува и се бори.

Во еден момент ќе си помислите па добро може ли уште нешто лошо да и се случи на ова девојче?

Ако ве интересираат инди филмови, со интересни приказни, базирани на книги (велат дека книгата била одлична) тогаш овој е филмот за вас.

Како дополнителен бонус е актерската екипа, која е водена од талентираната Клои Моретц од Kick-Ass и прекрасната Блејк Лајвли од Gossip Girl.

Глума: Chloë Grace Moretz, Blake Lively, Rory Culkin

It's Kind of a Funny Story (2010)

Ако сте тинејџер, тогаш е многу веројатно дека ве мачат проблемите поврзани со школо, родители, девојки/дечковци, другарите и општо иднината. 

Тие проблеми го мачат и нашиот главен лик, кој толку се осеќа потиштен од животот што сам се пријавува во психијатриска болница.

Е сеа тука настанува интересно, тој првично си замислувал дека тие ќе го дијагностицираат и поправат за една вечер и следниот ден ќе може да оди на школо.

Но кога еднаш ќе се пријавиш мораш да останеш една недела.

И одприлика тоа е филмот, го гледиме како ја поминува таа недела, се спријателува со еден постар пациент и една тинејџерка, и полека душата му заздравува. Интересно филмче што ги опишува тинејџерите со проблеми.

Глума: Keir Gilchrist, Zach Galifianakis, Emma Roberts

The Kids Are All Right (2010)

Ник и Џулс се лезбејска двојка, која живее во брачна заедница и заеднички ги воспитуваат нивните два тинејџери.

Ник е биолошка мајка на Џони, а Џулс е биолошка мајка на Лејсер. Ник е воркохолик, а Џулс е секогаш меѓу проекти, никогаш неможе да задрже работа.

Нивните деца по карактер многу наликуваат на своите биолошки мајки.

Како би биле комплетно семејство, мајките решиле да затруднат од истата спрема од непознат донор, што значи дека Џони и Лејсер се полубрат и полусестра.

Проблемите настануваат кога децата ќе почнат да се интересираат за својот биолошки татко. Тој ќе им влезе во животот и тотално ќе им ги испреврти работите.

Ако ме прашате мене ова е најинтересниот предлог на листата.

Иако се зборува за геј пар сепак нивните проблеми се универзални и може секој да се пронајде, истото важи и за децата и нивниот однос спрема родителите.

Како шлаг на тортата се актерите, кои се одлични во своите улоги. Дефинитивно го препорачувам на сите што немаат што да прават викендов.

Глума: Annette Bening, Julianne Moore, Mark Ruffalo, Mia Wasikowska, Josh Hutcherson

И.Т. | Црнобело