10 причини зошто Кери Бредшо е ужасна пријателка и девојка

Поминаа повеќе од 20 години од емитувањето на популарната ТВ-серија, „Сексот и градот“, а нејзините фанови дури сега почнаа да сфаќаат дека Кери Бредшо, всушност е еден од најнеомилените ликови и дека е навистина лоша пријателка.

Новинарката Дејзи Бедола неодамна напиша критика токму за Кери, потсетувајќи на епизодите кога одби да ѝ помогне на Миранда кога целата беше вкочанета и наместо тоа, го прати својот дечко Ејдан, кој пак, ја виде нејзината пријателка гола. Потоа во знак на извинување ѝ однесе печиво кое Миранда не го сака, но ја искористи пригодата за да разговара за своите проблеми.

Сара Џесика Паркер, пак, очекувано, го брани својот лик, тврдејќи дека Кери е добра, великодушна, полна со љубов и секогаш ги поддржува своите пријателки. Но, дежурните критичари потсетија на тоа дека постојано ја критикувала Саманта за нејзиниот сексуален живот, иако и самата немала завиден морален компас.

Ова се 10 примери преку кои може да се види дека Кери е навистина ужасен пријател и девојка:

Караницата со Шарлот

Кери троши многу пари за чевли, но кога дојде момент за да купи свој стан, а немаше пари за тоа, очекуваше дека другите ќе ја извлечат од ситуацијата. Таа дури ѝ се налути на Шарлот што не ѝ го понуди својот веренички прстен, за да го вложи за капар.

Се однесуваше ужасно кон Ејдан

Тој беше прекрасен кон неа, но тоа не важеше за Кери. Таа дури и го носеше неговиот веренички прстен на синџирче околу вратот, правдајќи се дека „така ѝ е поблиску до срцето“.

Се фалеше со изневерувањето

Најпрво го изневери Ејдан со Ѕверката и како тоа да не беше доволно, целото тоа искуство го пренесе во својата следна секс-колумна.

Полудуваше од добрината на Ејдан

Кога ѝ се расипа компјутерот, Ејдан ѝ купи мекбук, но таа не беше среќна поради неговиот гест, ниту пак поради тоа дека направил нешто убаво за неа. Од друга страна, иако Ѕверката се однесуваше лошо кон неа, таа и понатаму го сакаше.

И покрај сè, отиде во Париз

Иако нејзините пријателки го мразеа Русинот, а и тој нив, Кери сепак замина со него во Париз. Иако тие ја советуваа да не оди, Кери замина, а нив ги третираше како публика која треба да ги следи нејзините акции, наместо да се однесува рамноправно со своите пријателки.

Нејзините „длабоки“ реченици

Иако во серијата Кери е успешна и влијателна колумнистка, нејзините мисли и совети во реалниот живот се целосно бизарни, смешни и неприменливи.

Лоша е кон Миранда

Кога Миранда размислуваше за абортус, Кери реши дека нема да ја слуша, туку дека ќе зборува за своите проблеми, кои во споредба со оној на Миранда, беа, најблаго кажано, имагинарни.

Ја засрамуваше Саманта

Иако Саманта важи за лик кој го сака сексот повеќе од кого било, таа често беше на мета на дрските коментари на Кери. Како секс-колумнистка, би требало да биде поотворена во врска со тоа прашање. Всушност, ни самата во тој поглед не е „цвеќе за мирисање“.

Селењето во село

Кери го обожава Њујорк, а кога Ејдан купи куќа во село, се чинеше дека замина со него само за да може да се жали за буквало сè.

Опседнатост со мажите

Кери е постојано опседната за Ѕверката, а токму поради него, нејзиниот живот е целосен хаос. Точно, серијата се вика „Сексот и градот“, а таа пишува колумни за секс и врски, но како лик, Кери никогаш не сфати дека постојат и други нешта во животот, а не само мажите.

E. Д. | Црнобело