Кои се вистинските имиња на славните актери?

„Не постои бизнис како шоу-бизнис“. Филмските ѕвезди најдобро го знаат тоа. Не би требало да нé изненади фактот што многу познати актери го имаат сменето сопственото име. 

Постојат многу причини за оваа радикална промена, од избегнување на расна пристрасност до чиста желба. Повеќето знаат дека Кери Грант некогаш бил Арчибалд Лич и дека Одри Хепберн била родена како Одри Рустон.

Но, тие не биле единствените актери кои го промениле своето име.

Ова се неколку познати личности за кои можеби не знаевте дека го промениле името:

Вин Дизел

Марк Синклер не го промени името поради неговите актерски амбиции (иако бил актер уште од мали нозе). Вин Дизел станал Вин Дизел кога работел во ноќен клуб во Њујорк како исфрлувач. Тој е доказ дека еден исфрлувач може да стане светска филмска ѕвезда.

Хелен Мирен

Името Илејна Лидија Василиевна Миронов звучи како Хелен Мирен да била родена на руски кралски двор, но таа, всушност, била дете на имигрантски дипломат-таксист од Лондон.

Нејзиниот татко, Василиј и Британката-мајка, Кетлин, го промениле семејното презиме во Мирен во 1950-тите.

Мајкл Кејн

Некои актери ги менуваат имињата за да звучат незаборавно. Токму тоа го направи актерот Морис Миклвајт кога стана Мајкл Кејн во 1954 година. Името Кејн го зема поради филмот „The Caine Mutiny“ со Хамфри Богарт.

Дејвид Тенант

Човекот кој стана најпознатото лице на Доктор Ху се вика Дејвид Мекдоналд. Сценското име го избира бидејќи веќе постоел уште еден актер по име Дејвид Мекдоналд. Името Тенант го презема од Нил Тенант, пеачот на Pet Shop Boys.

Квин Латифа

Кога Квин (Queen) Латифа го издаде албумот „The Dana Owens“ во 2004 година, таа беше верна на нејзините корени. Родена како Дејна Овенс, името го менува на 8 години, откако дознава дека Латифа значи деликатна, чувствителна или љубезна, во една книга со арапски имиња.

Џејми Фокс

Кога Ерик Марлон Бишоп започна да глуми во комедии, сакаше да најде андрогино име за себе. Така почна да го користи името Џејми, а презимето Фокс го презема како почит кон комичната легенда Ред Фокс.

Лејди Гага

Како Стефани Џоан Анџелина Германота дојде по нејзиното сценско име? Коренот на ова име произлегува од продуцентот и тогашниот дечко на Гага, Роб Фусари, кој го споредуваше звукот на пејачката со песната „Radio Ga Ga“ на Queen.

Ашера | Црнобело