Познати мажи кои ги освои Анџелина Џоли + единствената жена што ѝ беше љубов

Били Боб Торнтон

Вториот сопруг на глумицата е веројатно најдивиот партнер што таа некогаш го имала. Дваесет години постариот Били Боб Торнтон и Анџелина Џоли се запознаа во 1999 година, снимајќи го филмот „Pushing Tin“.

Заради неа ја остави свршеницата, актерката Лора Дерн, по што се земаа во 2000 година. Двојката привлекуваше внимание, носејќи ланчиња со меѓусебната крв.

Според медиумските написи, љубовта згаснала по посвојувањето на Медокс во 2002 година.

Антонио Бандерас

Во таблоидите наголемо се пишуваше и за страствената прељубничка афера на двајцата протагонисти од филмот „Original Sin“. Анџелина Џоли и Антонио Бандерас наводно започнале да се гледаат во 2000 година, додека латино заводникот уште беше оженет со актерката Мелани Грифит. Парот се разведе по деветнаесет години брак во 2015.

Вал Килмер

Кружат гласини дека убавицата завела и уште еден глумец од историскиот филм „Alexander“. Тоа се вкупно три покорени срца на еден сет. Станува збор за Вал Килмер, со кого имала само кратка романса и ништо повеќе. Заплеткани се врските во Холивуд, зарем не?

Бред Пит

Настрана валканата битка што некогашните емотивни партнери ја водеа на суд, тие засекогаш ќе останат една од најмоќните љубовни двојки на сите времиња. Се вљубија на снимањето на филмот „Mr. and Mrs. Smith“ во 2005 година, додека глумецот беше во навидум идиличен брак со Џенифер Анистон.

Ја остави за да ужива во прегратките на фаталната убавица. Шесте биолошки и посвоени деца на Бред Пит и Анџелина Џоли беа најсреќни на светот, додека мајка им не ги поднесе документите за развод во 2016 година. Останатото е веќе историја.

Џони Деп

Теориите на заговор велат по разделбата од Бред Пит, холивудската ѕвезда го искористила Џони Деп како рамо за плачење, највеќе од одмазда кон поранешниот сопруг.

Двајцата имаат флертувано во 2010 година, за време на снимањето на филмот „The Tourist“. Анџелина Џоли исто така изрази желба нему да му помогне по драматичниот развод од Амбер Херд.

Дали еден на друг си беа лек за скршените срца?

Џeни Шимицу

Последна на листата е единствената жена што ѝ беше љубов во младешките години на глумицата. Анџелина Џоли отсекогаш експериментирала со сексуалноста.

А, колешката Џени Шимицу ја освоила на прв поглед во 1996 година. „Веројатно ќе се оженев со неа, доколку не бев мажена за сопругот. Се вљубив во истата секунда кога ја видов.“

М. А. | Црнобело