Можете да им бидете соседи на Кејт и Вилијам, но само ако следите три правила

Детали

четврток, 08 август 2019

Доколку сте фан на кралското семејство, имаме одлични вести за вас. Имено, можете да ја изнајмите куќата што се наоѓа веднаш до домот на Вилијам и Кејт и да бидете кралски сосед.

Вилата на Кејт и Вилијам Анмер Хол во Норфолк е дел од имотот Сандрингам што ѝ припаѓа на кралицата Елизабета. Иако кралскиот пар поголемиот дел од времето го минува во Лондон, доста време поминуваат и во вилата.

Иако Сандрингам е кралски имот, одвреме-навреме тамошните куќи се издаваат и на „обичните“ луѓе.

Куќата што се издава е веднаш до Анмер Хол и тоа за изненадувачки ниска цена. Односно, ќе ви бидат потребни околу 850 долари месечно. Навистина евтино за куќа со две спални, веднаш до кралското семејство.

Сепак, постојат одредени услови. Изгледа дека живеењето до кралско семејство не доаѓа без правила. Апликациите за куќата се отворени, но сите заинтересирани треба да ги земат предвид следниве нешта.

Забрането е чување мачки

Лоши вести за учителите на мачките. Според веб-сајтот на Сандрингам, постои строга забрана за мачки на целиот имот. Не се знае која е точната причина за оваа забрана.

Дозволени се само некои раси на кучиња

Според веб-сајтот, можете да чувате куче, но и за ова ќе ви дале некои правила. Но изгледа нема да имате никаков проблем со миленикот, бидејќи и Вилијам и Кеј наводно можат да го чуваат нивното куче во Анмер Хол.

Куќата не може да се користи како викендица

Доколку сакате да ја изнајмите куќата само на неколку денови или недели, заборавете на тоа. Полисата на имотот е дека ако сакате да ја изнајмите куќата, таа треба да ви биде примарното живеалиште.

Истовремено, треба да работите некаде во близина. Па доколку сакате да одите овде, подгответе се да останете подолго.

Покрај овие правила има уште неколку нејасни насоки. Наводно домот нема да му биде издаден на оној што ќе дојде прв, туку на оној којшто најдобро ќе ги исполнува условите. Па, доколку сте подготвени за кралски живот, можете да аплицирате уште денес.

Спирова С. | Црнобело