Луѓе кои се откажале од своите кралски титули од разни причини

Детали

четврток, 22 август 2019

Откако се роди Арчи, бебето на Меган и Хари, почнаа многу шпекулации за тоа дали момчето ќе добие некоја титула. Од Бакингемската палата изјавија дека парот добил предлог титула, но дека го одбиле поради за нас непознати причини. Сепак, парот не се обидува да го скрие фактот дека сакаат да го одгледаат Арчи како обичен граѓанин.

Но, Хари и Меган не се првите кои одбиле кралска титула.

Многу членови од кралските семејства ширум целиот свет се откажале од своите титули, а понекогаш за навистина чудни причини.

Кралот Едвард VIII се откажал од тронот за да се венча со Волис Симпсон

Во 1937-ма година, кралот Едвард се откажал од неговата титула за да може да се венча со двапати разведената американка Волис Симпсон.

Во тој период, англиската црква не им дозволувала на разведените да се венчаат во црква. Поради ова, Едвард не можел да остане крал доколку сака да се венча со Симпсон.

Едвард му ја предал кралската титула на својот брат, Џорџ VI, кој пак ѝ ја предал на сегашната кралица Елизабета. Едвард и Симпсон станале војводата и војвотката од Виндзор, но повеќе тој не бил неговото кралско височество.

И шпринцезата од Тајланд се откажала од тронот за љубов

Принцезата Уболратана одбрала да се венча со Питер Џенсен наместо да ја задржи својата титула. Иако парот се разведе во 2001-ва година, Уболратана сè уште не си ја врати кралската титула.

Таа проба да започне кариера во политиката па дури и сакаше да биде премиер, но беше спречена од нејзиниот брат, кралот Маха.

Принцот Филип се откажал од родната титула за да стане Британец

Кога принцот Филип се венчал за Елизабета, тој морал да се откаже од неговата родена титула. Пред бракот тој бил принц на Грција и Данска, но сега е член на британското кралско семејство.

Марк Филипс се откажал од титулата поради непознати причини

Принцезата Ан се венчала со Марк Филипс во 1973-та година. Наводно, Филипс добил понуда за титула од кралицата, но ја одбил од непознати причини.

Децата на парот, Питер и Зара, исто така немаат кралски титули.

Мажот на шведската принцеза ја одбил титулата

Принцезата Маделин се венча со бизнисменот Кристофер Онил во 2013-та година. Но, за Кристофер да ја добиел кралската титула, требало да се откаже од неговото британско и американско потекло и да го прифати презимето на Маделин – нешто што одбил да го направи.

И Маделин решила да го задржи нејзиното презиме за да го зачува својот кралски статус.

Норвешката принцеза ќе престане да ја користи својата титула за „комерцијални цели“

Норвешката принцеза Марта Луиз изјави дека ќе престане да ја користи својата титула во комерцијален контекст. Претходно принцезата ја користеше својата титула за да ја промовира нејзината духовна тура со нејзиното момче со насловот „Принцезата и шаманот“.

Набрзо потоа изјавила дека ѝ е жал што го направила тоа и дека нема да ја повтори грешката.

Спирова С. | Црнобело