Фото докази дека Меган Маркл копира сцени од холивудските филмови за да прикаже живот-бајка

Детали

вторник, 16 февруари 2021

Последната фотографија со која Меган ја најавува втората бременост е како сцена од филмот Notting Hill каде бремената Џулија Робертс лежи на коленото на Хју Грант. Парот ќе гостува кај Опра и ќе каже сѐ за искуствата од кралскиот живот.

Хари и Меган Маркл неодамна објавија дека очекуваат второ дете, а сега во светските медиуми „како бомба“ одекна вест дека наводно парот снимал емисија во шоуто на Опра и таму кажуваат апсолутно сѐ, но истата уште не е објавена.

Многумина ова интервју го споредуваат со интервјуто на починатата принцеза Дијана и веруваат дека кралицата нема да биде среќна што ќе откриваат детали од нивните кралски денови, а наводно ќе му ги одземе и последните кралски привилегии на својот внук.

Инаку, во магазинот The Sun објавена е статија во која се тврди дека Меган, која всушност е актерка, глуми сѐ во животот, па така голем дел од нејзините фотографии се исценирани како сцени од холивудските филмови.

Едноставно во раце ја презела режисерската улога на нејзиниот и животот на Хари, а додека некои ја критикуваат, други ја поддржуваат и тоа им изгледа романтично.

Неколку фото докази:

Последната фотографија со која Меган ја најавува втората бременост е како сцена од филмот Notting Hill каде бремената Џулија Робертс лежи на коленото на Хју Грант.

Парот има позирано под чадор како сцена од филмот Four Weddings And A Funeral.

Хари очигледно ја прифаќа играта на Меган, која како и Пепелашка го пронајде својот принц, во 2018 година.

На фотографиите со кои ја најавија свршувачката во 2017 година, Меган и Хари позираат како сцена од филмот Love, Actually.

Фотографијата каде Меган му чита на Арчи е како сцена од филмот Baby’s Day Out.

Очигледно во овој однос Меган контролира сѐ, се заклучува во статијата на магазинот The Sun, иако сепак ова може да се само случајности. Што мислите вие?

Потсетете се и 12 причини зошто Кејт Мидлтон од старт не ѝ веруваше на Меган Маркл

С. С. | Црнобело