Предвидувања: Кога би можел да се очекува крајот на пандемијата во секоја држава од светот?

Детали

вторник, 28 април 2020

На 18-ти април беше лансиран веб-сајт на кој се споделуваат предвидувања за развојот на пандемијата со корона вирусот, користејќи ги најновите информации од државите ширум светот.

Бидејќи сите сакаме да знаеме кога ќе заврши сето ова, на сајтот се објавуваат и претпоставки за крајот на пандемијата - секако се работи само за предвидувања, не сигурни информации.

Според сајтот, еволуцијата на ковид-10 не е случајна и, како другите пандемии, таа следи еден вид шема, од појавувањето, па сè до крајот на пандемијата.

Таканаречениот животен циклус на пандемијата зависи од неколку работи – однесувањето на населението (во овој случај избегнувањето физички контакт), мерките на властите (како полициски час), но и природните ограничувања на екосистемот.

Сепак, животниот циклус на пандемијата варира во секоја држава. Односно, во даден момент, пандемијата е во разни фази во разни држави.

Животниот циклус се предвидува со помош на крива, која го прикажува потенцијалниот „пик“ на пандемијата и нејзиниот крај, а целта на мерките е да не се надминат предвидувањата на кривата.

Сепак, предвидувањето на крајот на пандемијата е малку потешко и иако се користат најновите податоци, голема е веројатноста да се направи и грешка.

Од сајтот напоменуваат дека нивните предвидувања се само за едукација и истражување и не треба да се потпираме на нив.

Треба да ги следиме сите мерки, сè додека експертите официјално не изјават дека на пандемијата ѝ дошол крајот.

Според информациите од Our World in Data, сајтот дошол до следниве заклучоци:

Според сајтот, Македонија ќе го види крајот на пандемијата околу 18-ти јуни. До 13-ти мај се проценува дека 97% од случаите би биле регистрирани, а до 23-ти мај, пак, се предвидува дека ќе се регистрираат 99% од очекуваните случаи.

Во светот, веројатно до 15-ти јуни ќе бидат регистрирани 99% од очекуваните случаи. Крајот, пак, според нивните статистики, би можел да се очекува околу 26-ти ноември.

Во САД, 99% од случаите ќе бидат регистрирани до 26-ти мај, а крајот на пандемијата се очекува на 4-ти септември.

Во Италија, крајот на пандемијата се очекува околу 29-ти август, а 99% од случаите би требало да се регистрираат до 22-ри мај. Наводно, Италија ќе почне со попуштање на мерките на 4-ти мај.

Во Шпанија, според податоците досега, пандемијата ќе заврши околу 1-ви август. До 13-ти мај се очекува да се регистрираат 99% од случаите.

Во Албанија, се претпоставува дека пандемијата ќе заврши околу 28-ми октомври. 99% од случаите би требало да се регистррираат до 17-ти август.

Во Хрватска, пандемијата би требало да заврши околу 14-ти јуни. До 14-ти мај се очекува да се регистррираат 99% од случаите.

Во Грција, крајот се очекува околу 11-ти јули, а 99% од случаите веројанто би можеле да бидат регистрирани до 23-ти мај.

Предвидувањата за сите останати земји можете да ги погледнете ТУКА.

Спирова С. | Црнобело